کراچی (قدرت روزنامہ)پاکستان شوبز انڈسٹری کے معروف اداکار شہروز سبزواری نے اپنی اہلیہ صدف کنول کے لیے دُعاؤں کی اپیل کی ہے۔شہروز سبزواری اور صدف کنول شوبز انڈسٹری کی مشہور ترین جوڑیوں میں سے ایک ہیں جنہیں شادی کے بندھن میں بندھنے کے بعد زبردست تنقید کا سامنا کرنا پڑا، پھر بھی وہ کچھ ہی وقت میں سب سے زیادہ پسند کی جانے والی جوڑی بننے میں کامیاب ہوگئے۔
چند ماہ قبل شہروز کے والد بہروز سبزواری نے ایک شو میں خوشخبری سنائی تھی کہ شہروز اور صدف اپنے پہلے بچے کی توقع کر رہے ہیں۔
شہروز کو حال ہی میں کراچی میں منعقدہ ایک ایونٹ میں دیکھا گیا، فیشن اینڈ لائف اسٹائل جرنلسٹ ملیحہ رحمان سے گفتگو میں شہروز نے اپنے مداحوں سے درخواست کی کہ وہ اُن کی اہلیہ صدف کے لیے دعا کریں کیونکہ وہ جلد ہی ایک خوشخبری سنانے والی ہیں۔
اداکار نے کہا کہ میری اہلیہ صدف گھر میں آرام کر رہی ہے کیونکہ اب اُن کے آرام کرنے کے دن ہیں، میں چاہتا ہوں کہ سب صدف کے لیے دعا کریں کیونکہ ہم انشاء اللّٰہ بہت جلد ایک خوشخبری دینے والے ہیں۔شہروز نے مزید کہا کہ میں اس دن کا بے صبری سے انتظار کر رہا ہوں، میں بچوں سے پیار کرتا ہوں۔
اُنہوں نے کہا کہ میں اس دن کا انتظار نہیں کر سکتا جب میں اپنے پروڈیوسرز اور ہدایت کاروں سے کہوں گا کہ وہ مجھے کچھ دنوں کے لیے چھٹی دے دیں کیونکہ میرے یہاں بچے کی پیدائش ہوئی ہے۔
شہروز سبزواری کا مزید کہنا تھا کہ میں 24 گھنٹے بچوں کی دیکھ بھال کر سکتا ہوں۔واضح رہے کہ صدف کنول اور شہروز سبزواری نے مئی 2020 میں خاموشی سے شادی کرلی تھی، شہروز سبزواری کے ہاں یہ دوسرے بچے کی پیدائش ہوگی۔
اس سے قبل شہروز سبزواری کی اداکارہ سائرہ یوسف سے بھی ایک بیٹی ’نورح‘ ہے جو کہ اس جوڑی میں طلاق کے بعد اپنے والد شہروز سبزواری اور والدہ سائرہ یوسف دونوں کے پاس رہتی ہے۔
کراچی (قدرت روزنامہ)جماعت اسلامی اور حکومت کےمعاہدے کی45 دن کی مدت مکمل ہوگئی، جماعت اسلامی…
نیویارک (قدرت روزنامہ) وزیرِ اعظم محمد شہباز شریف اقوام متحدہ کی جنرل اسمبلی کے اجلاس…
لاہور (قدرت روزنامہ)وزیر اعلیٰ خیبر پختونخوا علی امین گنڈاپور کے خلاف لاہور میں مقدمہ درج…
لاہور(قدرت روزنامہ) وزیر اطلاعات پنجاب عظمٰی بخاری نے کہا ہے کہ ہم نےگنڈا پورکا سافٹ…
اسلام آباد(قدرت روزنامہ) صدر مملکت آصف علی زرداری نے کہا ہے کہ پاکستان اور سعودی…
اسلام آباد (قدرت روزنامہ) 30 ستمبر سے پیٹرولیم مصنوعات کی قیمتوں میں مزید کمی کا…