بھرتیوں پر پابندی،پنجاب بھر میں سولہ ہزار اساتذہ کی بھرتیوں کا عمل روک دیا گیا

لاہور (قدرت روزنامہ) پنجاب حکومت کی جانب سے بھرتیوں پر پابندی کے بعد صوبہ بھر میں سولہ ہزار اساتذہ کی بھرتیوں کا عمل روک دیا گیا . پنجاب بھر کے سرکاری سکولوں میں ایک لاکھ پانچ ہزار اساتذہ کی آسامیاں خالی ہیں .

تفصیلات کے مطابق سرکاری ملازمتوں پر حکومتی پابندی کے بعد صوبہ بھر میں سولہ ہزار اساتذہ کی بھرتیوں کا عمل روک دیا گیا ہے .
پنجاب بھر کے سکولوں میں ایک لاکھ پانچ ہزار اساتذہ کی آسامیاں خالی پڑی ہیں لیکن آسامیاں پر کرنے کیلئے 30 ہزار اساتذہ کی بھرتی کا فیصلہ کیا گیا تھا . پہلے مرحلے میں سولہ ہزار اور دوسرے مرحلہ میں چودہ ہزار بھرتیاں کی جانی ہیں . پابندی کے باعث سکول ایجوکیشن نے بھرتیوں پر کام روک دیاہے . ترجمان محکمہ تعلیم کے مطابق اساتذہ کی بھرتیوں کیلئے سمری دوبارہ وزیر اعلی پنجاب کو بھجوائی جائے گی . اساتذہ کی بھرتیوں کیلئے حکومت سے حتمی منظوری لینا ہوگی،منظوری ملتے ہی بھرتیوں کا عمل دوبارہ شروع کردیا جائے گا .