پٹرولیم مصنوعات کی قیمتوں میں ردو بدل کے بعد انٹرنیٹ پر میمز کا طوفان آگیا

لاہور (قدرت روزنامہ) پاکستان میں پٹرول سستا اور ڈیزل مہنگا ہونے پر  سوشل میڈیا پر ایک بار پھر دلچسپ میمز وائرل ہورہی ہیں۔قیمتوں میں ردو بدل کی سوشل میڈیا پر خبر وائرل ہوئی تو صارفین نے اعتراض کیا کہ تین روپے پیٹرول سستا کرنے سے کیا ہوگا، اس کے علاوہ کچھ صارفین نے دلچسپ میمز بھی بنائیں اور تبصرے بھی کیے۔

حماد نامی صارف نے ایک شخص کی تصویر شیئر کی جس میں وہ سمندر کنارے کیلوں سے لہریں روکنے کی ناممکن کوشش کررہا ہے، حماد نے اس صورتحال کی وزیر خزانہ مفتاح اسماعیل سے مماثلت ظاہر کی۔

صارف نے کہا مفتاح اسماعیل بالکل اسی طرح پیٹرول کی قیمت کم کرکے پاکستان کی معیشت بچانے کی کوشش کررہے ہیں۔

گل ریز نامی صارف نے اداکار رجنی کانتھ کے چہرے کے تاثرات کی تصاویر شیئر کیں اور کہا مفتاح اسماعیل کی اس وقت یہ ہی حالت ہے۔