وزیراعظم پاکستان اور متحدہ عرب امارات کے صدر کے درمیان ٹیلی فونک رابطہ

اسلام آباد (قدرت روزنامہ) وزیراعظم شہباز شریف نے پاکستان کو دی جانے والی معاشی اور ترقیاتی امداد پر متحدہ عرب امارات کا شکریہ ادا کیا ہے . تفصیلات کے مطابق وزیراعظم محمد شہباز شریف اور متحدہ عرب امارات کے صدر شیخ محمد بن زید آل نیہان کے درمیان ٹیلی فونک رابطہ ہوا ، اس دوران دو طرفہ تعلقات اور مختلف شعبوں میں ان کو بڑھانے کے طریقوں پر تبادلہ خیال کیا گیا جب کہ شہباز شریف نے متحدہ عرب امارات کی جانب سے پاکستان کو فراہم کی جانے والی اقتصادی اور ترقیاتی امداد پر شیخ محمد کا شکریہ ادا کیا .


بتایا گیا ہے کہ اس موقع پر دونوں رہنماؤں نے باہمی دلچسپی کے امور پر تبادلہ خیال کیا، شیخ محمد نے متحدہ عرب امارات اور پاکستان کے دیرینہ تعلقات کے بارے میں بات کی اور پاکستان اور اس کے عوام کی مزید ترقی اور ترقی کی خواہش کی اور دونوں ممالک کے درمیان قریبی برادرانہ تعلقات کا اعادہ کرتے ہوئے مختلف شعبوں میں دوطرفہ تعاون مزید بڑھانے کیلئے مل کر کام کرنے پر اتفاق کیا گیا .
معلوم ہوا ہے کہ وزیراعظم نے متحدہ عرب امارات کے صدر سے یو اے ای میں حالیہ سیلاب کے نتیجے میں پاکستانی شہریوں سمیت قیمتی جانوں کے ضیاع پر افسوس اور ہمدردی کا اظہار کیا جب کہ متحدہ عرب امارات کے صدر نے پاکستان میں سیلاب سے ہونے والے جانی نقصان اور ہیلی کاپٹر حادثہ میں فوجی جوانوں کی شہادت پر بھی دلی تعزیت کا اظہار کیا . دونوں رہنماؤں کی گفتگو کے دوران وزیراعظم شہباز شریف کے اپریل 2022ء میں متحدہ عرب امارات کے دورہ کے دوران کیے گئے فیصلوں کو دہراتے ہوئے دونوں رہنماؤں نے اس پر ہونے والی پیشرفت کا جائزہ لیا اور سرمایہ کاری، توانائی اور بنیادی ڈھانچہ کی تعمیر میں شراکت داری سمیت تجارتی اور اقتصادی تعاون کو مزید مضبوط بنانے کا عزم کیا .
وزیراعظم نے متحدہ عرب امارات کی طرف سے پاکستان کو کئی سالوں سے فراہم کی جانے والی معاونت کو اجاگر کرتے ہوئے کہا کہ امارات کی جانب سے پاکستان میں مختلف اقتصادی اور سرمایہ کاری کے شعبوں میں ایک ارب ڈالر کی سرمایہ کاری کے حالیہ اعلان کا خیرمقدم کرتے ہیں، پاکستان اور متحدہ عرب امارات کے درمیان قریبی برادرانہ تعلقات ہیں جن کی جڑی مشترکہ اعتقاد، اقدار اور ثقافت سے جڑی ہیں، متحدہ عرب امارات مشرق وسطیٰ میں پاکستان کا سب سے بڑا تجارتی شراکت دار اور سرمایہ کاری کا ذریعہ ہے اور وہ 16 لاکھ سے زائد پاکستانیوں کی میزبانی کر رہا ہے .

. .
Ad
متعلقہ خبریں