کراچی میں دھماکا ، 10 افراد جاں بحق
کراچی (قدرت روزنامہ) کراچی کے علاقے بلدیہ مواچھ گوٹھ میں دھماکے سے 10 افراد جاں بحق اور 10 زخمی ہوگئے ہیں .
پولیس کا کہنا ہے کہ بلدیہ واقعہ کی تحقیقات کر رہے ہیں .
گاڑی میں سلنڈر موجود نہیں . گاڑی میں کوئی چیز پھینکی گئی جس کے بعد دھماکا ہوا . ریسکیو ذرائع کا کہنا ہے کہ جاں بحق اور زخمی ہونے والے افراد شادی کی تقریب میں شرکت کے بعد واپس آ رہے تھے . جاں بحق افراد میں 2 بچے اور خواتین بھی شامل ہیں . ایس ایس پی کیماڑی کا کہنا ہے کہ ابتدائی طور پر دھماکا گیس لیکج کا لگتا ہے . واقعے کی مزید تحقیقات کررہے ہیں . ادھر صوبائی وزیر ٹرانسپورٹ سید اویس قادر شاہ نے بلدیہ دھماکے پر افسوس کا اظہار کرتے ہوئے کہا کہ قیمتی جانوں کے ضیاع پر انتہائی دکھ اور افسوس ہے . صوبائی وزیر کا سیکریٹری ٹرانسپورٹ نے ڈی آئی جی ٹریفک سے رابطہ کیا ہے اور واقعہ کی تفصیلی رپورٹ 24 گھنٹے میں پیش کرنے کی ہدایت کی ہے . . .
