کراچی(قدرت روزنامہ) چیئرمین پیپلز پارٹی بلاول بھٹو زرداری کی کراچی میں دہشت گردی کے واقعہ کی مذمت ، کہا معصوم شہریوں کو نشانہ بنانا بدترین بربریت ہے ۔
اپنے بیان میں بلاول بھٹو نے حملے میں جاں بحق افراد کے لواحقین سے دلی ہمدردی کا اظہار کیا ، انہوں نے سندھ حکومت کو زخمیوں کے بہتر علاج کو یقینی بنانے کی ہدایت بھی کر دی ۔
چیئرمین پیپلز پارٹی نے کہا کہ کراچی کے امن وامان کو سبوتاژ نہیں کرنے دیں گے ۔ کراچی میں امن کیلئے بڑی قربانیاں دی ہیں ۔ یقین ہے ملزمان کو جلد قانون کی گرفت میں لایا جائے گا ۔
واضح رہے کہ گزشتہ روز کراچی کے علاقے بلدیہ مواچھ گوٹھ میں منی ٹرک میں بم دھماکے سے 10 افراد جاں بحق جبکہ 10 زخمی ہوگئے تھے ۔
پولیس کا کہنا ہے کہ بلدیہ واقعہ کی تحقیقات کر رہے ہیں ۔ منی ٹرک میں سلنڈر موجود نہیں تھا ۔ گاڑی میں کوئی چیز پھینکی گئی جس کے بعد دھماکا ہوا ۔
ریسکیو ذرائع کا کہنا ہے کہ جاں بحق اور زخمی ہونے والے افراد شادی کی تقریب میں شرکت کے بعد واپس آ رہے تھے ۔ جاں بحق افراد میں 2 بچے اور خواتین بھی شامل ہیں ۔
ادھر ، وزیراعلیٰ سندھ مراد علی شاہ نے منی ٹرک میں دھماکے کا نوٹس لے لیا ہے ۔ انہوں نے متعلقہ حکام سے حادثے کی فوری رپورٹ طلب کرتے ہوئے زخمیوں کو بہترین علاج کی سہولت فراہم کرنے کی ہدایت کی ہے ۔
وزیر داخلہ شیخ رشید نے بھی آئی جی سندھ اور ڈی جی رینجرز سے رپورٹ طلب کرلی ہے ۔ انہوں نے جاں بحق افراد کے لواحقین سے اظہار ہمدردی کرتے ہوئے کہا کہ واقعہ کی ہر پہلو سے تحقیقات کی جائے گی ۔
اسلام آباد (قدرت روزنامہ)2023 سے اب تک تقریباً 11 لاکھ سے زائد پاکستانیوں نے بیرون…
اسلام آباد (قدرت روزنامہ)شادی ایک ایسا خوبصورت بندھن ہے جس کا آغاز ہمیشہ خوشیوں، اُمیدوں…
اسلام آباد (قدرت روزنامہ)سابق نامور اداکارہ اور نریندر مودی کی گزشتہ حکومت کی وزیر اسمرتی…
اسلام آباد (قدرت روزنامہ)سابق وزیراعظم و پاکستانی عوام کی معبوب لیڈر بے نظیر بھٹو کی…
اسلام آباد (قدرت روزنامہ)"میں ہزار بار ایسی بہادر لڑکیوں کا ہاتھ چوموں گی، جس نے…
اسلام آباد (قدرت روزنامہ)دہلی کی ایک عدالت نے شراب پالیسی سے جڑے منی لانڈرنگ اور…