کوئٹہ(قدرت روزنامہ)ایگزیکٹو انجینئر ایری گیشن ڈویژن کوئٹہ انجینئر ندیم احمد دہوار نے کہا ہے کہ کرخسہ اور کچلاک ڈیم ٹوٹنے کی خبروں میں کوئی صداقت نہیں شدید بارشوں کے بعد ڈیمز میں گنجائش سے زیادہ پانی آنے کی وجہ سے ڈیمز کے سپیل وے کھولے گئے تھے،محکمہ ایری گیشن کی ٹیمیں کسی بھی ہنگامی صورتحال سے نمٹنے کیلئے چوبیس گھنٹے الرٹ ہیں۔ پیر کو یہاں بات چیت کرتے ہوئے انہوں نے کہا کہ گزشتہ روز کوئٹہ، نوحصار، کچلاک، ہنہ،سرہ خلہ،سرہ غڑگئی، کانک، اغبرگ میں توقع سے زیادہ شدید بارش ہوئی جس کی وجہ سے کرخسہ اور کچلاک ڈیم میں پانی کی سطح بلند ہونے کے باعث ڈیمز کے سپیل وے کھول دیئے گئے جس سے پانی کا اخراج ہوا۔ انہوں نے کہا کہ سوشل میڈیا پر کرخسہ اور کچلاک ڈیم ٹوٹنے سے متعلق خبروں میں کوئی صداقت نہیں ہے دونوں ڈیمز الحمد اللہ محفوظ ہیں اورانکے سپیل وے سے 12سے 14گھنٹے تک پانی کا اخراج کیا گیا۔ انہوں نے کہا کہ محکمہ ایری گیشن کی 4ٹیمیں اغبرگ، نوحصار، ایسٹرن بائی پاس، ہنہ،کرخسہ اور،اخترآباد میں کام کررہی ہیں اور مسلسل ڈیمز کی نگرانی کی جارہی ہے اور صورتحال مکمل طور پر کنٹرول میں ہیں۔ انہوں نے کہا کہ کچلاک ڈیم کا سپیل وے کھولنے کی وجہ سے جب پانی کا اخراج ہوا توپاکستان ہاوسنگ اسکیم اتھارٹی کی جانب سے پانی کا راستہ بند کئے جانے کے باعث پانی آبادی میں داخل ہوا۔انہوں نے کہا کہ محکمہ ایری گیشن اپنے زیر کنٹرول آنے والے نالوں پر تجاوزات کے خاتمے اورنالوں کی صفائی کیلئے ہرممکن اقدامات اٹھارہا ہے تاہم فنڈز کی کمی کی وجہ سے کچھ مسائل کا سامنا کرنا پڑتا ہے اگر حکومت اضافی فنڈز اور نفری فراہم کی جائے تو نہ صرف نالوں پر تجاوات کامکمل خاتمہ کردیا جائے گا بلکہ نالوں کی صفائی کو بھی یقینی بنایا جائے گا۔ندیم احمد دہوار نے کہا کہ آئندہ چند دنوں میں مزید تیز بارشوں کی پیشن گوئی کی گئی ہے لہذا سیلابی نالوں کے پاس آباد رہائشیوں کو چاہئے کہ وہ محفوظ مقامات پر منتقل ہوجائیں تاکہ کسی بھی نقصان سے بچاجاسکے۔
ممبئی(قدرت روزنامہ) تیلگو فلم انڈسٹری کے مشہور کوریوگرافر جانی ماسٹر نے اپنی سابقہ خاتون ملازمہ…
ممبئی(قدرت روزنامہ)بالی ووڈ کے سپر اسٹار سلمان خان کی اجے دیوگن کی فلم ‘سنگھم اگین’…
لاہور(قدرت روزنامہ) قصور میں سیف سٹی کیمروں کی مدد سے شہریوں کو تحفظ فراہم کیا…
پشاور(قدرت روزنامہ) ٹانک میں شاہراہ وزیرستان خرگئی چیک پوسٹ کے قریب تیز رفتاری کے باعث…
نجی اسکولوں کی نمائندہ تنظیموں کا تعلیم بچاؤ مہم کےتحت اہم سیشن کراچی (قدرت روزنامہ)کراچی…
پشاور(قدرت روزنامہ) وزیر اعلیٰ خیبر پختونخوا علی امین گنڈاپور نے مالم جبہ روڈ سوات میں…