متحدہ عرب امارات میں نئے ویزا قوانین نافذ ہوگئے

ابوظہبی (قدرت روزنامہ) متحدہ عرب امارات میں لوگوں کے کام کرنے اور رہنے کے طریقوں کو کنٹرول کرنے والے نئے ویزا قوانین آج پیر 5 ستمبر سے نافذ العمل ہوگئے۔ دی نیشنل کی رپورٹ کے مطابق اپریل میں کابینہ کی طرف سے منظوری دی گئی، یہ برسوں میں ملک کی امیگریشن پالیسی میں سب سے بڑی تبدیلیوں میں سے ایک ہیں، جس میں سیاحوں کے لیے طویل وزٹ ویزا، مطلوبہ پیشہ ور افراد کے لیے طویل مدتی رہائش اور 10 سالہ گولڈن ویزا اسکیم تک آسان رسائی اہم تبدیلیوں میں شامل ہے۔
گولڈن ویزا سروسز کا وفاقی امیگریشن ویب سائٹ پر ایک وقف شدہ پورٹل ہے، ابھی تک اس ویزا کی کوئی لاگت جاری نہیں کی گئی لیکن اس ویزا کے خواہشمند بعض افراد کو 1,500 اور چند کو 2,000 درہم کے درمیان فیس جمع کرانے کی ضرورت ہے۔
اسی طرح کابینہ نے غیر ملکیوں کے داخلے اور رہائش سے متعلق وفاقی حکم نامے کے “ایگزیکٹو ریگولیشنز” کی منظوری دی، اس نے نئے ویزوں کو تخلیق کیا اور باضابطہ طور پر منظور شدہ دیگر جیسے گولڈن ویزا ریزیڈنسی سسٹم، جو پہلے ہی نافذ ہو چکا ہے، پچھلے 18 مہینوں میں بہت سی تفصیلات کو عام کیا گیا لیکن نئے عناصر میں بہت سے سیاحوں کے لیے متحدہ عرب امارات کے داخلے کا وزٹ ویزا اب 30 دن کی بجائے اب 60 دنوں کے لیے کارآمد ہوگا، اس تبدیلی سے یو اے ای میں چھٹیاں منانے والوں کو طویل دوروں سے لطف اندوز ہونے کا موقع ملے گا اور خطے میں قیام کرنے والوں کو زیادہ وقت ملے گا۔

>>> گولڈن ویزا
ملک کے رہنما امارات میں رہنے کے لیے زیادہ ہنر مند پیشہ ور افراد، طب اور سائنس کے پس منظر کے حامل، ذہین ترین طلبہ اور ٹیک سیوی ذہنوں کو راغب کرنا چاہتے ہیں، دولت مند سرمایہ کاروں، کاروباری افراد اور کمپنی کے مالکان کو تلاش کیا جاتا ہے، حکام کو امید ہے کہ وہ امارات میں اپنی جڑیں قائم کریں گے، جائیداد میں سرمایہ کاری کریں گے اور ملک کو اپنا طویل مدتی گھر بنائیں گے۔
ویزا کی 10 اقسام کی وسیع رینج بہت سے رہائشیوں اور ملک کو گھر بنانے کی منصوبہ بندی کرنے والے لوگوں کو فائدہ پہنچا سکتی ہے، ویزہ کی کئی اقسام ہیں جن کا مقصد ان گروپوں کے لیے ہے، جن میں گولڈن ویزے بھی شامل ہیں، جن کی پہلی بار 2020ء کے آخر میں منظوری دی گئی تھی اور پہلے سال صرف دبئی میں 44 ہزار ویزے جاری کیے گئے۔ سنچری فنانشل کنسلٹنسی کے چیف انویسٹمنٹ آفیسر وجے والیچا نے کہا کہ ریئل اسٹیٹ پر 2 ملین درہم کی ملکیت کے لیے گولڈن ویزا یقینی طور پر درمیانی اور اعلیٰ طبقوں کے لیے ریئل اسٹیٹ یا دیگر ذرائع سے یو اے ای میں سرمایہ کاری کرنے کے لیے ایک بڑا فروغ ہوگا۔
>>> گرین ویزا
درمیانی آمدنی والے بریکٹ میں گرین ویزے ہیں، جو ہنر مند کارکنوں، فری لانسرز اور خود روزگار افراد کے لیے ہے، یہ ویزا ہولڈر کو 5 سال کی رہائش فراہم کرتے ہیں، اس کا اہل ہونے کے لیے ایک درخواست دہندہ کو ماہانہ 15 ہزار درہم کی تنخواہ اور سائنس، قانون، تعلیم، ثقافت یا سماجی علوم سمیت بعض ہنر مند شعبوں میں بیچلر ڈگری کی ضرورت ہوتی ہے۔
کوئی شخص جس کے پاس فری لانس کام کے لیے دو یا تین سال کا تجارتی لائسنس ہے، ہو سکتا ہے کہ یہ آپشن پرکشش ہو لیکن ابھی تک لاگت کا تعین نہیں کیا گیا ہے تاہم گرین ویزا ہولڈر رشتہ داروں کو 5 سال تک رہائش کے لیے اسپانسر کر سکتا ہے، پہلے اس کی اجازت عام طور پر دو سال کے لیے تھی۔
>>> ملازمت کے متلاشی افراد کیلئے ویزا
بہت سے حالیہ گریجویٹ دبئی اور ابوظہبی میں ملازمت کا پہلا ذائقہ حاصل کرنے کے خواہاں ہیں، کم آمدنی والے اور کم ہنر مند کارکنوں کے لیے خصوصی ویزا حاصل کرنے کے لیے کوئی خاص انتظام نہیں ہے لیکن ملازمت کے متلاشی اور 5 سالہ ملٹی انٹری ویزے سے ان لوگوں کو فائدہ ہو سکتا ہے جو امارات جانا چاہتے ہیں یا یہاں فیملی میں شامل ہونا چاہتے ہیں۔
خاص طور پر اس سے ان ممالک کے لوگوں کو فائدہ ہو سکتا ہے جنہیں پرواز کے لیے پیشگی ادائیگی کے لیے ویزا کی ضرورت ہوتی ہے، جن میں بھارت، پاکستان، فلپائن اور بنگلہ دیش شامل ہیں، عہدیداروں نے یہ نہیں بتایا کہ ملازمت کے متلاشی ویزا کتنے عرصے کے لئے موزوں ہے لیکن اس سے پہلے یہ مدت 6 ماہ کی تھی، جب وبائی امراض سے پہلے اس کا مطالبہ کیا گیا۔
بنیادی طور پر اس کا مقصد “نوجوان ٹیلنٹ اور ہنر مند پیشہ ور افراد” کو راغب کرنا ہے، دنیا کی ٹاپ 500 یونیورسٹیوں کے حالیہ گریجویٹ اس زمرے میں شامل ہیں۔
>>> فیملی اسپانسرشپ ویزا
پچھلے سال حکام نے والدین کو اپنے بیٹوں کی کفالت کرنے کی اجازت دی تھی جب تک کہ وہ 25 سال کے نہ ہوجائیں، اپریل میں فیصلہ اس بات کی توثیق کرتا ہے اور نئی دفعات شامل کرتا ہے، جس سے معذور بچے کے والدین کو بالغ ہونے میں اسپانسر کرنے کی اجازت ملتی ہے، والدین کسی بھی عمر تک اپنی غیر شادی شدہ بیٹیوں کی کفالت جاری رکھ سکتے ہیں۔
>>> انسانی ہمدردی کی بنیاد پر سامنے آنے والے کیسز
رہائشی اجازت نامہ ایک ایسی خاتون رہائشی کے لیے جاری کیا جائے گا جس کے شوہر کا انتقال ہو گیا ہو اور اس کے ایک یا اس سے زائد بچے ہوں، اس کا اطلاق متحدہ عرب امارات کے شہریوں کے بچوں کے والدین پر بھی ہوگا جن کے پاس غیر ملکی پاسپورٹ ہیں۔