ارطغرل غازی کے اداکار سیلاب متاثرین کی مدد کیلئے پاکستان پہنچ گئے،امدادی سرگرمیوں میں شریک

کراچی (قدرت روزنامہ)ترکیہ کے مشہور ڈرامہ سیریز ارطغرل غازی میں عبدالرحمان کا کردار نبھانے والے جلال آل پاکستان آئے ہوئے ہیں اور سیلاب متاثرین کی مدد کر رہے ہیں۔ترکیہ کے مشہور اداکار پاکستان میں صرف سیلاب متاثرین کی مدد کے لیے آئے ہیں۔
جلال آل کی چند تصاویر سوشل میڈیا پر وائرل ہو گئی ہیں جن میں دیکھا جاسکتا ہے کہ اداکار خود سیلاب متاثرین میں سامان تقسیم کر رہے ہیں۔

حال ہی میں اداکار نے اپنے انسٹاگرام اکاؤنٹ پر ایک ویڈیو پوسٹ کی ہے جس میں دیکھا جا سکتا ہے کہ جلال آل سیلاب متاثرین بچوں کو ترکیہ بولنا سکھا رہے ہیں۔

ویڈیو میں دیکھا جاسکتا ہے کہ اداکار بچوں کے ساتھ مل کر نعرہ لگاتے ہیں کہ ترکیہ زندہ باد ، پاکستان زندہ باد۔