بارشوں اور سیلاب سے مزید 5افراد جاں بحق ملک بھر میں سیلاب سے اموات کی تعداد ایک ہزار 486 ہوگئی

اسلام آباد(قدرت روزنامہ) ملک میں بارشوں اور سیلاب کے باعث نقصانات پر این ڈی ایم اے نے تازہ رپورٹ جاری کردی۔گزشتہ 24گھنٹے میں بارشوں اور سیلاب سے مزید 5 افراد جاں بحق ہوئے۔خیبرپختونخوا میں بارشوں اور سیلا ب سے 2 اور بلوچستان میں 3 اموات ہوئیں۔ملک بھر میں سیلا ب سے جاں بحق افراد کی تعداد ایک ہزار 486 ہو گئی ہے۔
این ڈی ایم اے کے مطابق بارشوں اور سیلا ب سے سندھ میں638 افراد جاں بحق ہو چکے۔خیبرپختونخوا میں اموات کی تعداد305 تک جا پہنچی ہے۔
بلوچستان میں 281 اور پنجاب میں 191 افراد سیلاب کے باعث لقمہ اجل بنے۔ رپورٹ کے مطابق سیلاب کے باعث گلگت بلتستان میں 22 اورآزاد کشمیر میں48 افرادجاں بحق ہوئے۔ملک بھر میں زخمی افراد کی مجموعی تعداد 12 ہزار 749 ہو گئی۔این ڈی ایم اے کے جاری کردہ اعداد و شمار کے مطابق ملک بھر میں 12ہزار718 کلو میٹر سڑک بارشوں اور سیلاب سے متاثر ہو چکیں۔ملک بھر میں 9 لاکھ 18 ہزار 473 مویشوں کو نقصان پہنچا۔ملک بھر میں 80 اضلاع بارشوں اور سیلاب سے تاحال متاثر ہیں۔ جبکہ مجموعی طور پر 3 کروڑ 30 لاکھ 46 ہزار 329 افراد بارشوں سے متاثر ہوئے۔