سعودی عرب کے ابہا انٹرنیشنل ایئرپورٹ کی توسیع کا اعلان

ریاض (قدرت روزنامہ) سعودی عرب کا ابہا انٹرنیشنل ایئرپورٹ کی توسیع کا اعلان کرتے ہوئے ماسٹر پلان تیار کرلیا۔ سعودی گزٹ کے مطابق 13 ملین مسافروں کی گنجائش والے نئے ابہا ہوائی اڈے کے لیے ماسٹر پلان تیار کیا گیا ہے، مطارات ہولڈنگ کمپنی اور اسیر ڈیولپمنٹ اتھارٹی (ASDA) نے نئے ابہا انٹرنیشنل ایئرپورٹ کے ماسٹر پلان کی تکمیل کا اعلان کیا، سول ایوی ایشن اور سیاحت کے لیے قومی حکمت عملی کے مقاصد کے حصول کے لیے ماسٹر پلان پر کام کیا گیا ہے، مطارات ہولڈنگ کمپنی کے سی ای او محمد الموکلی نے کہا کہ نیا ہوائی اڈہ تقریباً 1.1 ملین مسافروں کی موجودہ گنجائش کے مقابلے میں سالانہ 13 ملین سے زیادہ مسافروں کو جگہ دے گا، ہوائی اڈہ اس وقت 35 ہزار پروازوں کے مقابلے میں سالانہ 95 ہزار سے زیادہ پروازوں کی خدمات فراہم کرے گا۔
انہوں نے کہا کہ مطارات تمام متعلقہ حکام کے تعاون سے نئے ہوائی اڈے کے ڈیزائن کو عسیر کے علاقے کی تعمیراتی شناخت کے مطابق بنانے کی کوشش کررہا ہے اور خطے میں سیاحت کو فروغ دینے کے لیے ایک اہم ذریعہ کے طور پر شناخت کا خواہاں ہے۔ بتایا گیا ہے کہ نئے ہوائی اڈے کے منصوبے میں 10700 مربع میٹر کے رقبے والے موجودہ لاؤنج کے مقابلے65 ہزار مربع میٹر پر محیط رقبے پر ایک نئے مسافر خانے کی تعمیر شامل ہے، 2200 سے زائد کاروں کے لیے پارکنگ ایریا کی بھی جگہ ہوگی۔
یہاں قابل ذکر بات یہ ہے کہ مطارات ہولڈنگ ایک مشترکہ اسٹاک کمپنی اور جنرل اتھارٹی آف سول ایوی ایشن (GACA) کا ذیلی ادارہ ہے، اس کا کردار اس کی تمام ساتھی کمپنیوں کی رہنمائی، حمایت اور مدد کرنا ہے، جس کی رہنمائی اس کی معتبریت، فضیلت اور اتحاد کی بنیادی اقدار سے ہوتی ہے، یہ اس بات کو یقینی بنانا ہے کہ ہر ہوائی اڈہ ماحولیاتی نظام کے اندر کھلے تعاون کے ساتھ جدید کسٹمر کے تجربے اور انتظام کے عالمی معیار کے ساتھ آپریشنل کارکردگی اور آمدنی پیدا کرنے کا گیٹ وے بن سکے۔