سابق وزیر داخلہ شیخ رشید کو فون پر دھمکیاں موصول

اسلام آباد(قدرت روزنامہ) سابق وزیر داخلہ شیخ رشید کو فون پر دھمکیاں ملنے کا انکشاف ہوا ہے۔ شیخ رشید نے فون پر ملنے والی سنگین دھمکیوں کے خلاف تھانہ کوہسار میں درخواست دے دی۔خواست میں جن نمبروں سے دھمکیاں دی گئی ہیں وہ موبائل نمبر بھی درج کئے گئے ہیں۔
شیخ رشید کا کہنا ہے کہ متعلقہ حکام کو آگاہ کر دیا ہے،تھانے میں درخواست بھی دے رہا ہوں۔ سی سی پی او راولپنڈی نے فوری طور پر تحقیقات اور ملزمان کی گرفتاری کا حکم دے دیا ہے۔ذرائع کے مطابق شیخ رشید کو لال حویلی کے لینڈ لائن نمبر پر دھمکی آمیز کال موصول ہوئی۔ اعلیٰ پولیس افسران معاملے کو دیکھ رہے ہیں۔