شریف خاندان بھارت سے بغیرکلیئرنس اپنی شوگر ملوں کے لیے انجینئر منگواتا ہے، شیخ رشید کی شدید تنقید

راولپنڈی (قدرت روزنامہ)عوامی مسلم لیگ کے سربراہ شیخ رشید نے وزیراعظم کی مبینہ آڈیو لیک پر تنقید کرتے ہوئے کہاہے کہ شریف خاندان بھارت سے بغیرکلیئرنس اپنی شوگر ملوں کیلئے انجینئر منگواتا ہے۔ اپنے بیان میں سابق وزیر داخلہ نے کہا کہ اسرائیل سے تعلقات اور بھارت سے تجارت کی مثال شہباز شریف کی آڈیو لیک میں سامنے آگئی ہے، شریف خاندان بھارت سے بغیرکلیئرنس اپنی شوگر ملوں کے لیے انجینئر منگواتا ہے۔شیخ رشید احمد نے کہا کہ سیاستدان عام آدمی کے مسائل نہیں سمجھ رہا، صرف میڈیا میڈیاکھیل رہاہے، ستمبر ستمگر ہے اور اکتوبر میں اہم فیصلے ہو جائیں گے۔