ابوظہبی(قدرت روزنامہ) متحدہ عرب امارات میں 12 ربیع الاول پر تعطیل کا اعلان کردیا گیا، نجی شعبے کے ملازمین کو 8 اکتوبر بروز ہفتہ کی چھٹی کی اُجرت ملے گی۔ خلیجی میڈیا کے مطابق انسانی وسائل اور امارات کی وزارت (MOHRE) نے اعلان کیا ہے کہ ہفتہ 8 اکتوبر 2022ء کو نجی شعبے کے تمام ملازمین کے لیے پیغمبر اسلام ﷺ کے یوم ولادت کے موقع پر چھٹی بمعہ اُجرت ہوگی، عربی میں اس چھٹی کو عید میلاد النبی ﷺ کہا جاتا ہے اور حضرت محمد ﷺ کا یوم ولادت 12 ربیع الاول کو منایا جاتا ہے۔
بتاتے چلیں کہ یہ تعطیل جشن کی کم اور منانے کی زیادہ ہے، مسلمانوں کے لیے یہ حوصلہ افزائی کی جاتی ہے کہ وہ اس دن کو روزہ رکھ کر یا قرآن پڑھ کر اللہ تعالیٰ سے روحانی طور پر جڑنے میں گزاریں کیوں کہ اس دن مسلمان رسول اللہ صلی اللہ علیہ وسلم کی ولادت باسعادت کی یاد مناتے ہیں۔
پیغمبر اسلام حضرت محمد صلی اللہ علیہ وسلم 570 عیسوی میں مکہ مکرمہ سعودی عرب میں پیدا ہوئے، خلیجی ممالک سمیت بیشتر اسلامی ممالک میں نبی کریم صلی اللہ علیہ وسلم کا یوم ولادت 12 ربیع الاول 1444 کو منایا جاتا ہے جو کہ اسلامی کیلنڈر کا تیسرا مہینہ ہے، اگرچہ اس کا مطلب ان لوگوں کے لیے لمبا ویک اینڈ نہیں ہے جنہیں ہفتہ اتوار کی چھٹی ملتی ہے لیکن اس بار 8 اکتوبر کو ہفتے کے روز کام کرنے والوں کے لیے خوش آئند ہے، اس عام تعطیل کے بعد ملک میں مزید دو چھٹیاں ہوں گی، یہ دو عام تعطیلات یوم یادگاری اور متحدہ عرب امارات کے قومی دن کے موقع پر ہوں گی، یہ تاریخیں 1، 2 اور 3 دسمبر کو آتی ہیں اس بار 4 دسمبر کو اتوار کا دن ہوگا، اس لیے اس کو سال کا آخری چار روزہ ویک اینڈ شمار کیا جائے گا۔
برسبین(قدرت روزنامہ)پاکستان کرکٹ ٹیم کے کپتان محمد رضوان کا کہنا ہے کہ بہترین پلیئنگ الیون…
لاہور (قدرت روزنامہ) پی ٹی آئی رہنما صنم جاوید نے دعویٰ کیا ہے کہ سابق…
لاہور(قدرت روزنامہ)پاکستان کے فاسٹ باولر محمد عامر نے آسٹریلیا کیخلاف ون ڈے سیریز میں کامیابی…
کراچی (قدرت روزنامہ) سٹیٹ بینک آف پاکستان نے ملکی زرمبادلہ ذخائر کا ہفتہ وار ڈیٹا…
لندن(قدرت روزنامہ)وزیر دفاع خواجہ آصف نے لندن میں قتل کی دھمکی اور ہراساں کرنے کے…
اسلام آباد(قدرت روزنامہ) وزیراعظم شہباز شریف نے باران رحمت کے لیے قوم سے نماز استسقاء…