لندن (قدرت روزنامہ)برطانیہ نے کہا ہے کہ کسی بھی ملک کا نئی افغان حکومت کو فوری تسلیم کرنا غلطی ہوگی، برطانوی وزیراعظم بورس جانسن نے کہا کہ طالبان کے دہشتگردی ، منشیات اور خواتین سے متعلق رویے کو پرکھناہوگا، افغانستان کے مستقبل کی فکر کرنے والے ممالک طالبان کے طرز عمل پر غور کریں۔انہوں نے برطانوی پارلیمنٹ میں خطاب کرتے ہوئے کہا کہ طالبان کے الفاظ پر نہیں عمل پر یقین کریں گے، طالبان کے دہشتگردی ، منشیات اور خواتین سے متعلق رویے کو پرکھنا ہوگا۔انہوں نے کہا کہ کسی بھی حکومت کا کابل کی نئی حکومت کو وقت سے پہلے تسلیم کرنا غلطی ہوگی۔افغانستان کے مستقبل کی فکر کرنے والے ممالک طالبان کے طرز عمل پر غور کریں۔ اسی طرح پارلیمنٹ میں برطانوی لیبر پارٹی کے رہنماء سرکیر نے امریکی صدر پر تنقید کرتے ہوئے کہا کہ جوبائیڈن کا افغان حکومت کو ذمہ دارٹھہرانا شرمناک ہے، امریکا افغان حکومت کا ایک اہم اتحادی تھا۔یاد رہے وزیراعظم عمران خان سے بھی گزشتہ روز برطانوی وزیراعظم کا ٹیلیفونک رابطہ ہوا، جس میں افغانستان کی صورتحال پر بات چیت کی گئی، وزیراعظم عمران خان نے کہا کہ پاکستان کیلئے پرامن اور مستحکم افغانستان بنیادی اہمیت رکھتا ہے،وزیراعظم عمران خان کا کہنا تھا کہ تمام افغانوں کے تحفظ کو یقینی بنانا ہوگا، ساتھ ہی وزیراعظم عمران خان نے جامع سیاسی تصفیے کی اہمیت پرزور دیا۔برطانوی وزیراعظم نے افغانستان سے سفارتی عملے کے انخلا میں پاکستان کی مدد کو سراہا، دونوں وزرائے اعظم نے افغانستان کی صورتحال پررابطے میں رہنے پراتفاق کیا۔ ٹیلی فونک گفتگو میں وزیراعظم نے برطانوی ہم منصب سے پاکستان کو ریڈ لسٹ سے نکالنے کا بڑا مطالبہ بھی کیا۔ برطانوی وزیراعظم نے کہا کہ نئی افغان حکومت کو یکطرفہ طور پر تسلیم نہیں کریں گے، طالبان حکومت کی حیثیت افغانستان میں انسانی حقوق کی صورتحال پر منحصر ہوگی۔
اسلام آباد (قدرت روزنامہ)بین الاقوامی مالیاتی فنڈ (آئی ایم ایف) کے ایگزیکٹو بورڈ نے پاکستان…
کوئٹہ(قدرت روزنامہ)وزیراعلیٰ بلوچستان میر سرفراز بگٹی نے پنجگور واقعے کی شدید الفاظ میں مذمت کرتے…
پنجگور(قدرت روزنامہ)پنجگور کے علاقے خداںبادان میں نامعلوم افراد نےرہائش کوارٹر میں رہائش پذیر پنجاب سے…
سلام آباد(قدرت روزنامہ)وفاقی وزیرداخلہ محسن نقوی کی پنجگور کے علاقے میں فائرنگ کے واقعہ کی…
کوئٹہ(قدرت روزنامہ)وزیر اعلٰی بلوچستان میر سرفراز بگٹی کی پنجگور میں مزدوروں کے بہمانہ قتل کی…
کوئٹہ)(قدرت روزنامہ) بلوچستان کے علاقے پنجگور میں ایک گھر پر فائرنگ کے نتیجے میں 7…