ایس ایچ او کو سنگین نتائج کی دھمکیاں دینے والا شخص گرفتار

ملتان(قدرت روزنامہ) ملتان پولیس کے ایس ایچ او عمران گل نیازی کو سنگین نتائج کی دھمکیاں دینے والے راشد پہلوان کو گرفتار کر لیا گیا . تفصیلات کے مطابق ملتان پولیس کے آفیشل ٹویٹر اکاؤنٹ پر ایک ویڈیو شیئر کی گئی ہے جس میں ملتان پولیس کے ایس ایچ او عمران گل نیازی کو قتل کی دھمکیاں دیتے ہوئے راشد پہلوان کی آڈیو سنی جا سکتی ہے .

اس آڈیو میں سنا جا سکتا ہے کہ راشد پہلوان خفیہ اداروں کے ساتھ اپنا تعلق بتاتا ہے اور ایس ایچ او عمران گل کو سنگین نتائج کی دھمکیاں دیتا ہے .
پولیس نے کارروائی کرتے ہوئے ملزم کو گرفتار کر لیا ہے . اسی ویڈیو میں راشد پہلوان کا گرفتاری کے بعد کا بیان بھی موجود ہے . جس میں دیکھا جا سکتا ہے کہ راشد پہلوان حوالات میں کان پکڑ کر ایس ایچ او اور سی پی او سے معافی مانگ رہا ہے اور آئندہ ایسی کوئی حرکت نہ کرنے کا وعدہ کرتا ہے .
ملزم کو ایچ ایس او عمران گل نیازی کو سنگین نتائج کی دھمکیاں دینے اور ٹیلی گراف ایکٹ کی خلاف ورزی کی دفعات کے تحت مقدمہ میں نامزد کیا گیا .