شہباز شریف کا افغانستان ایشو سے متعلق بڑا مطالبہ سامنے آگیا

لاہور (قدرت روزنامہ)‎قائد حزب اختلاف شہباز شریف نے افغانستان کی صورتحال پر ان کیمرہ اجلاس بلانے کا مطالبہ کر دیا ،قائد حزب اختلاف شہباز شریف نے کہا ہے کہ ‎پارلیمنٹ کا مشترکہ اجلاس بھی بلا یا جائےتاکہ خطے کی بدلتی صورتحال پر تمام سیاسی جماعتوں سے مشاورت اور درپیش اہم امور پر تبادلہ خیال کیا جا سکے ۔‎پاکستان مسلم لیگ (ن) کے صدر اور قائد حزب اختلاف شہبازشریف کا کہنا ہے کہ ‎افغانستان کی صورتحال کے پورے خطے پر اثرات ہیں ،‎کروٹ لیتے حالات میں پاکستان میں قومی اتفاق رائے اور ایک بیانیہ ناگزیر ہے ۔قومی مفادات کا تقاضا ہے کہ تمام متعلقہ سٹیک ہولڈرز ایک پیج پر ہوں،‎قومی وسیاسی سطح پر اس مسئلے اور اس کے نتیجے میں پاکستان پر ممکنہ اثرات کا تفصیلی اور گہرائی سے سنجیدہ تجزیہ کرنے کی ضرورت ہے۔