ماہرہ خان نے دی لیجنڈ آف مولاجٹ میں ہیروئن کا کردار نبھانے سے انکار کی وجہ بتا دی

لاہور (قدرت روزنامہ)فلم دی لیجنڈ آف مولا جٹ کی کھڑکی توڑ نمائش جاری ہےلیکن کیا آپ جانتے ہیں کہ فلم کی ہیروئن ماہرہ خان اس کردار کو نبھانے کے لیے انکار کر چکی تھیں . نجی ٹی وی سے گفتگو کرتے ہوئے ماہرہ خان کا کہنا تھا کہ ہیروئن کا کردار ادا کرنے سے منع کر دیا تھا کیونکہ مجھے لگتا تھا میں پنجابی نہیں بول پاﺅں گی .

بھرپور ایکشن، خوبصورت سنیماٹو گرافی، جاندار اداکاری، شاندار پروڈکشن، اور انٹرٹینٹمنٹ ہی انٹرٹینمنٹ لیے فلم دی لیجنڈ آف مولا جٹ ریلیز ہونے کے بعد مقبولیت کے نئے ریکارڈز بنا رہی ہے اور دیکھنے والوں کا پیسہ وصول کر رہی ہے . ریلیز سے پہلے ہی دی لیجنڈ آف مولا جٹ ٹوئٹر پر ٹرینڈ کر رہی تھی مگر اب اسے دیکھنے کے بعد ناظرین کی جانب سے اس کے بارے میں خیالات کا اظہار بھی کیا جا رہا ہے .

خیال رہے کہ دی لیجنڈ آف مولا جٹ پاکستان سمیت دنیا بھر میں نمائش کے لیے پیش کی جا چکی ہے .