سام سنگ نے خاموشی سے ایک اور 5 جی اسمارٹ فون متعارف کرا دیا

(قدرت روزنامہ)سام سنگ نے مارچ 2021 میں گلیکسی اے 52 فائیو جی فون پیش کیا تھا اور اب اس کا اپ ڈیٹ ورژن متعارف کرایا گیا ہے۔

گلیکسی اے 52 ایس کو پرانے ماڈل سے زیادہ بہتر بنایا گیا ہے بالخصوص پراسیسر کے لحاظ سے یہ زیادہ طاقتور ہے۔

اے 52 ایس میں اسنیپ ڈراگون 778 جی پراسیسر 4 کیریو 670 کورز، ایک ہائی اینڈ ایڈرینو 6422 ایل جی پی یو اور ایک ایکس 53 فائیو جی موڈیم (.33 جی بی پی ایس ڈاؤن لوڈ تک اسپیڈ) سے لیس ہے۔

فون میں 6 سے 8 جی بی ریم اور 18 سے 256 جی بی اسٹوریج کے آپشن دستیاب ہوں گے جبکہ مائیکرو ایس ڈی کارڈ سے اس میں مزید اضافہ بھی کیا جاسکے گا۔

گلیکسی اے 52 ایس میں 6.5 انچ کا سپر امولیڈ ڈسپلے 120 ہرٹز ریفریش ریٹ سپورٹ کے ساتھ دیا گیا ہے۔

فوٹو بشکریہ سام سنگ
4500 ایم اے ایچ بیٹری کے ساتھ 25 واٹ فاسٹ چارجنگ سپورٹ فراہم کی گئی ہے اور کمپنی کا دعویٰ ہے کہ فل چارج ہونے پر فون کو 2 دن تک استعمال کیا جاسکتا ہے۔

ڈسٹ اور واٹر ریزیزٹنس ایک اور اہم فیچر ہے اور اس فون کو ایک میٹر پانی میں 30 منٹ تک ڈبو کر رکھا جاسکتا ہے۔

فون کی خاص بات اس کا کیمرا سیٹ اپ ہے جو مجموعی طور پر 5 کیمروں (بیک پر 4 اور فرنٹ پر ایک) کے ساتھ ہے۔

فون کا مین کیمرا 64 میگا پکسل کا ہے جس میں ایف 1.8 آپرچر موجود ہے جبکہ آپٹیکل امیج اسٹیبلائزیشن اور ٹیٹرا بیننگ ٹیکنالوجی کیمرے کا حصہ ہے۔

کمپنی نے بتایا کہ نائٹ موڈ شاٹس 12 فریمز کی سہولت فراہم کریں گے جبکہ او آئی ایس کم روشنی میں لی جانے والی تصاویر کے پکسل پھٹنے نہیں دیتا۔

فوٹو بشکریہ سام سنگ
اس کے علاوہ 12 میگا پکسل الٹرا وائیڈ اینگل کیمرا، 5 میگا پکسل میکرو اور 5 میگا پکسل ڈیپتھ سنسر کیمرے اس سیٹ اپ کا حصہ ہے۔

فرنٹ پر 32 میگا پکسل کیمرا پنچ ہول ڈیزائن میں چھپا ہوا ہے۔

اینڈرائیڈ 11 آپریٹنگ سسٹم کا امتزاج ون یو آئی 3.0 سے کیا گیا ہے جبکہ سیلفی کیمرے کو فیس ان لاک کے لیے استعمال کیا جاسکتا ہے جبکہ فنگرپرنٹ سنسر ڈسپلے کے اندر نصب ہے۔

یہ فون ستمبر کے آغاز میں مختلف ممالک میں فروخت کے لیے پیش کیا جائے گا جس کی قیمت 410 برطانوی پونڈ (92 ہزار پاکستانی روپے سے زائد) سے شروع ہوگی۔