نورا فتیحی نے محبت میں ناکامی کے بعد ڈپریشن کا مقابلہ کیسے کیا؟

ممبئی(قدرت روزنامہ)بالی ووڈ فلم انڈسٹری کی خوبصورت اور مشہور اداکارہ نورا فتیحی نے بتادیا کہ انہوں نے محبت میں ناکامی کے بعد ڈپریشن کا مقابلہ کیسے کیا۔
بھارتی میڈیا کے مطابق نورا فتیحی اور اداکار انگت بیدی کچھ عرصے تک ایک ساتھ رہے تاہم بعد میں دونوں میں علیحدگی ہوگئی۔

انگت بیدی انڈسٹری کی نامور اداکارہ نیہا دھوپیا کے شوہر ہیں، علیحدگی کی وجہ سے نورا فتیحی مایوس اور ڈپریشن میں مبتلا ہوگئی تھیں۔
حال ہی میں نورا فتیحی نے ایک شو میں گفتگو کرتے ہوئے بتایا کہ میں نے دو ماہ تک ڈپریشن کا مقابلہ کیا۔

ان کا کہنا تھا کہ ہر لڑکی کو زندگی میں کم از کم ایک دفعہ اس چیز سے ضرور گزرنا پڑتا ہے، میرے لیے یہ بہت زیادہ مشکل رہا کیونکہ میں نے غیر متوقع تجربے کا سامنا کیا۔

انہوں نے کہا کہ میں بالکل ٹوٹ چکی تھی مگر یہ ضرور کہوں گی کہ اس تجربے نے میری زندگی بدل دی۔