پاکستان کادنیا کے طاقتورترین پاسپورٹ میں کون سانمبراورکتنے ممالک میں بغیرویزاپاکستانی جاسکتے ہیں

اسلام آباد (قدرت روزنامہ)یہ بات تو آپ کو معلوم ہوگی کے دنیا کے کسی بھی ملک میں سفر کرنے کیلئے، آپ کے پاس اپنے ملک کا پاسپورٹ لازمی ہونا چاہیے۔ لیکن کیا آپ کو اس بات کی خبر ہے کہ ہر پاسپورٹ کی اپنی ایک طاقت ہوتی ہے۔ جس کے بنا پر اس ملک کا شہری کسی بھی ملک میں بغیر ویزا کے جاسکتے ہیں۔ ہینلے پاسپورٹس انڈیکس کے مطابق دنیا کے طاقتور ترین پاسپورٹ رکھنے والے ممالک میں جاپان پہلے نمبر پر ہے۔ اس کا مطلب یہ ہے کہ اگر آپ جاپانی شہری ہیں تو آپ کو دنیا کے 193 ممالکاور علاقوں میں آپ بغیر ویزاجاسکتے ہیں۔

اس انڈیکس کے مطابق سنگاپور کا نمبر دوسرا ہے۔ یعنی سنگاپور کے شہری 192 ممالک میں بغیر روک ٹوک کے ان ممالک کا سفر کرسکتے ہیں۔اس کے ساتھ ساتھ یورپین ممالک میں سے جرمنی چوتھے، اور آسٹریا نویں، ڈنمارک دسویں نمبر پر ہے۔ جبکہ فرانس، آئرلینڈ، پرتگال، اور سوئیڈن گیارہویں سے لے کر پندرہویں نمبر پر ہیں۔ تاہم پاکستان کے پاسپورٹ کے قدر بتدریج زوال کا شکار ہوئی ہے۔

ہینلے پاسپورٹس انڈیکس کی جاری کردہ رپورٹ کے مطابق پاکستانی پاسپورٹ کا نمبر 113 پر آگیا ہے۔ جس کا مطلب پاکستانی پاسپورٹ رکھنے والے شہری دنیا کے 33 ممالک میں بغیر ویزہ کے ان ممالک میں جاسکتے ہیں۔