نومبر میں موسم کیسا رہے گا، محکمہ موسمیات نے بتادیا

کراچی (قدرت روزنامہ)نومبر میں معمول یا معمول سے کم بارشوں کا امکان ہے۔ محکمہ موسمیات کے مطابق ملک کے شمالی حصوں میں بھی معمول سے کم بارشیں ہوں گی۔پنجاب، بالائی خیبر پختونخوا، کشمیر اور گلگت بلتستان میں تقریباً معمول کی بارشوں کا امکان ہے۔
محکمہ موسمیات کا کہنا ہے کہ بلوچستان اور سندھ میں بھی تقریباً معمول کے مطابق بارشیں ہوں گی۔خشک موسم خریف فصل کی کٹائی میں سازگار ثابت ہوگا، گندم اور ربیع کی دیگر نئی فصلوں کو ابتداء میں آبپاشی کی ضرورت ہوگی۔
محکمہ موسمیات کی رپورٹ کے مطابق جنوبی اور وسطی پنجاب میں خشک موسم سے اسموگ پیدا ہونے کا امکان ہے۔ نومبر کے آخری 10 دنوں میں رات اور صبح کو دھند کا امکان ہے جبکہ نومبر میں رات کو درجہ حرارت بتدریج کم ہوتا جائے گا۔