رکشے میں لڑکی کو ہراساں کرنے والے ملزم کی شناخت ہوگئی،فیاض چوہان

(قدرت روزنامہ)پنجاب حکومت کے ترجمان فیاض الحسن چوہان نےکہا ہے کہ رکشے میں لڑکی کو ہراساں کرنے والے ملزم کی شناخت ہوگئی۔

فیاض الحسن چوہان نے کہا کہ لاہور میں جشن آزادی کے موقع پر رکشے میں سوار لڑکی کو ہراساں کرنے والے ملزم کی شناخت ہوگئی، آئی جی پنجاب نے واقعے کی تفتیش کے لیے ٹیم تشکیل دے دی ہے۔

ترجمان پنجاب حکومت نے کہا کہ میری رپورٹ یہی ہے کہ ملزم ٹریس ہوگيا ہے، گرفتاری کنفرم نہيں کرسکتا۔

لاہور: پولیس نے مینار پاکستان واقعے کے الزام میں معمر شخص کو بھی دھرلیا

فیاض الحسن چوہان نے کہا کہ اس نوجوان کو ایک مثال بنایا جائے گا، پنجاب حکومت اور وزیراعلیٰ پنجاب کسی قسم کی کوتاہی برداشت نہیں کریں گے۔

ترجمان پنجاب حکومت نے کہا کہ یہ لڑکا گرفتار ہوجائے گا، کہاں جائے گا، ویڈیو میں اس کا چہرہ نہیں تھا۔