لاکھوں روپے اور سونے کے تحفے چوری ہوگئے ۔۔ جویریہ اور سعود اپنی شادی کے دن گھر میں چوری کرنے والی خاتون کا واقعہ بتاتے ہوئے

کراچی (قدرت روزنامہ)جویریہ اور سعود پاکستانی شوبز کا وہ شادی شدہ جوڑا ہیں جو ہمیشہ ہی ایک دوسرے کے ساتھ دکھائی دیتے ہیںچ اہے وہ کوئی ڈرامہ ہو یا ایوارڈ کی تقریب، ٹاک شو ہو یا کوئی ٹرپ۔ دونوں ہمیشہ ہنستے مسکراتے محبتیں بکھیرتے دکھائی دیتے ہیں۔ ان کی شادی بھی ایمن اور منیب کی طرح تھی جس میں کم و بیش 10 تقریبات کی گئیں تھیں۔ 20 دسمبر سے لے کو نیو ایئر نائٹ تک شادی کا بھرپور جشن منایا گیا۔

ندا یاسر کے پروگرام میں سوال کیا گیا کہ آپ لوگوں کو سلامی کتنی ملی تھی اس کے جواب میں سعود نے بتایا کہ ہمارا ایک بڑا سا بیگ تھا جس میں نہ جانے کتنے بے شمار لفافے تھے، لاکھوں روپے اور قیمتی سونے کے تحائف تک اس میں موجود تھے وہ کوئی سٹیج سے چرا کر لے گیا اور وہ جو خاتون چرا کر لے گئیں تھیں انہوں نے میرے گھر والوں کو بولا کہ سعود کی بہن لے گئی اور سعود کو کہا کہ جویریہ کی ماں لے گئی جب ہم نے بعد میں شادی کی مووی دیکھی تو پتہ چلا کہ وہ وہی خاتون تھیں جو ایک دوسرے کو باتیں لگا رہی تھیں اور انہوں نے شادی سے قبل سعود کے گھر والوں کو بولا تھا کہ جویریہ تو شادی شدہ ہے اور اس کے 2 بچے بھی ہیں۔

پروگرام میں یہ بھی سوال کیا گیا کہ سعود نے جویریہ کو کیا منہ دکھائی دی تھی جس کے جواب میں انہوں نے بتایا کہ میں نے جویریہ کو ایک لاکٹ اور ڈائمنڈ کے چھوٹے کانوں کے ٹاپس دیے تھے۔