پاکستان ڈیفالٹ رسک 75 فیصد کی نئی بلند ترین سطح پر پہنچ گیا

اسلام آباد (قدرت روزنامہ)امپورٹڈ حکومت کی تباہ کاریوں سے پاکستان کا ڈیفالٹ رسک 75 فیصد کی نئی بلند ترین سطح پر پہنچ گیا ہے۔سماجی رابطے کی ویب سائٹ پر پی ٹی آئی نے اپنے آفیشل ٹوئٹ میں بتایا کہ پاکستان تباہی کے دہانے پر پہنچ چُکا ہے ۔

پی ٹی آئی نے کہا کہ سرمایہ کاری کے لئے کوئی تیار نہیں ہے، کاروبار تباہ ہونے کو ہیں، اس سب کا واحد حل الیکشن ہے۔
چیئرمین پی ٹی آئی عمران خان
اس حوالے سے پاکستان تحریک انصاف (پی ٹی آئی) کے چیئرمین وسابق وزیراعظم عمران خان نے اپنے ٹوئٹر پر کہا کہ جیسا کہ میں نے 6 ماہ قبل پیش گوئی کی تھی کہ حکومت کی تبدیلی کی سازش ہماری معیشت پیچھے دھکیل دے گی۔

عمران خان نے مزید کہا کہ یہ سازش ہمارے قرضوں کی ادائیگی کی صلاحیت تباہ کر دے گی، پاکستان پر تقریباً 3 دہائیوں تک حکومت کرنے والے دو خاندانوں میں معیشت کو مضبوط بنانے کی قابلیت نہیں۔
شیریں مزاری
دوسری جانب پی ٹی آئی رہنما شیریں مزاری نے کہا کہ یکم جون عمران خان 2022 نے آنے والے ڈیفالٹ کے بارے میں خبردار کیا تھا۔

شیریں مزاری نے مزید کہا کہ آج پاکستان اس کے قریب تر ہے، لیکن کیا سازشی اس سے بھی پریشان ہیں، یا وہ چاہتے ہیں کہ پاکستان کی معیشت مکمل طور پر تباہ ہو جائے؟