صوبائی سینئیر سید صادق آغا کی محنت اور جذبہ قابل تحسین ہے جو حقیقی آزادی مارچ کے لئے دن رات محنت کررہے ہیں،قاسم خان سوری

کوئٹہ(قدرت روزنامہ) پاکستان تحریک انصاف بلوچستان کے صوبائی صدر او سابق ڈپٹی اسپیکر قومی اسمبلی قاسم خان سوری نے صوبائی سینئر نائب صدر سید صادق آغا کی جانب سے تیار کردہ حقیقی آزادی مارچ کنٹینر کا افتتاح کیا اس موقع پر صوبائی جنرل سیکرٹری ڈاکٹر منیر بلوچ، قائم مقام اسپیکر بلوچستان اسمبلی سردار بابر موسی خیل، سردار خادم حسین وردگ، ایڈیشنل صوبائی جنرل سیکرٹری ملک نصیب اللہ بیٹنی، باری بڑیچ، نور خان خلجی، زولیخا مندوخیل، لالا غلام محمد بڑیچ، نیاز ملاخیل ،ملک زادہ یحیی کاکڑ، برات خان خلجی اور دیگر سینئیر قیادت عہداداران اور کارکنان نے بڑی تعداد میں شرکت کی اس موقع پر صوبائی صدر او ڈپٹی اسپیکر قومی اسمبلی قاسم خان سوری نے میڈیا سے بات چیت کرتے ہوئے کہا کہ صوبائی سینئیر سید صادق آغا کی محنت اور جذبہ قابل تحسین ہے جو حقیقی آزادی مارچ کے لئے دن رات محنت کررھے ہیں کیونکہ حقیقی آزادی مارچ کا مقصد ایک جہاد ھے جو کرپٹ، نااہل ، اپنے چوریاں اور کیسیز چھپانے والے امپورٹڈ حکومت کے خاتمے اور روشن مستقبل کی ضمانت ہے حقیقی آزادی مارچ میں عوام کی بھرپور شرکت نے امپورٹڈ حکومت کی نیندیں حرام کردی جسکی وجہ سے وہ اوچھے ہتھکنڈوں پر اتر آئے ہیں لیکن پاکستانی عوام انکے نام نہاد مزہب پرستی، قوم پرستی اور ذاتی مفادات کے لئے سرزمین اور ضیمر کا سودا کرنے والوں سے باخبر ہوچکی ھے جسکی دلیل آج کی افتتاح میں کارکنان کی پرجوش شرکت ھے حقیقی آزادی مارچ کے حوالے پورے ملک کی طرح بلوچستان کے نوجوانوں کی محنت، دلچسپی اور جدوجہد تاریخی ھے جو حقیقی آزادی کی راہ میں صف اول کا کردار ادا کرینگے اس موقع صوبائی سینئیر نائب صدر سید صادق آغا، ڈاکٹر منیر بلوچ، سردار بابر موسی، سردار خادم حسین وردگ، ملک نصیب بیٹنی ، باری بڑیچ، نور خان خلجی اور دیگر نے خطاب کرتے ہوئے کہا کہ ہم اپنے صوبائی صدر قاسم خان سوری کی قیادت میں متحد و منظم ھے جس کی دن رات محنت کے عوض آج وہ پورے ملک میں ایک قومی لیڈر کی حیثیت سے پہچانے جاتے ہیں