پابندی اور جرمانہ ادا کرنے کے بعد عمر اکمل آج کل کیا کررہے ہیں؟ شائقین کرکٹ کیلئے بڑی خبر

لاہور (قدرت روزنامہ) قومی کرکٹر عمر اکمل نے کلب کرکٹ میچ کھیلنا شروع کردیئے۔

نجی ٹی وی ایکسپریس نیوز کے مطابق پی سی بی کی طرف سے اجازت ملنے کے بعدعمر اکمل آج پہلی بارکلب کرکٹ کے کسی میچ میں شریک ہیں۔ لاہور کےماڈل ٹاون میں عمر اکمل کرکٹ سینٹر کلب کی طرف سے غالب سپورٹس کلب کے خلاف میچ کھیل رہے ہیں۔ فکسنگ کیس میں سزا بھگتنے، جرمانے کی ادائیگی اور اپنی غطلی کا اعتراف کرنے کے بعد کرکٹ بورڈ نے انہیں چار اگست کو کلب کرکٹ کی سرگرمیوں میں شرکت کی اجازت دی تھی۔ جو ان کے ری ہیب پروگرام کا ایک حصہ ہے۔عمر اکمل کلب میچز میں کھیلنے کے ساتھ نوجوانوں کو فکسنگ سے بچنے کی آگاہی مہم کا حصہ بنیں گے اور مختلف سطح پر لیکچرز بھی دیں گے کہ فکنسگ میں ملوث ہونے کے کیا نقصانات ہیں۔2020 میں پی ایس ایل شروع ہونے سے پہلے بکیز کے رابطے کے بارے میں پی سی بی کو آگاہ نہ کرنے پر عمر اکمل کومعطل کردیا گیا تھا، کیس کی سماعت مکمل ہونے پر ان پر تین سال پابندی لگائی گئی، اپیل پر اسے ڈیڑھ سال کردیا گیا تھا، کھیلوں کی عالمی ثالثی عدالت سے رجوع کرنے پر پابندی کو 6 ماہ اور ساتھ انہیں ساڑھے 42 لاکھ روپے جرمانہ کیا گیا تھا۔ جرمانے کی مکمل ادائیگی، اعتراف جرم اور معافی کے بعد عمر اکمل کا ری ہیب پروگرام شروع کیا گیا ہے۔