اسلام آباد (قدرت روزنامہ)اسلام آباد ہائی کورٹ کے چیف جسٹس عامر فاروق لاپتہ شہری کے کیس میں پولیس کے رویے پر برہم ہو گئے اور کہا کہ اس کیس میں ہم اپنی آبزرویشن دیں گے۔اسلام آباد ہائی کورٹ کے حکم پر 17 نومبر سے لاپتہ شہری کو عدالت میں پیش کیا گیا۔پولیس نے عثمان شاہ کو ہتھکڑی لگا کر عدالت میں پیش کرتے ہوئے کہا کہ شہری کو کل شام ہم نے گرفتار کیا ہے۔
چیف جسٹس عامر فاروق نے شہری کو روسٹرم پر پر بلا لیا اور سوال کیا کہ آپ کو کس نے اور کب اٹھایا؟شہری نے جواب دیا کہ مجھے 17 تاریخ کو اسلام آباد سے اٹھایا گیا۔اسلام آباد ہائی کورٹ کے چیف جسٹس عامر فاروق پھر سوال کیا کہ آپ کو کہاں لے کر گئے تھے؟
شہری نے کہا کہ کچھ پتہ نہیں کہاں لے گئے۔چیف جسٹس اسلام آباد ہائی کورٹ نے پولیس سے سوال کیا کہ کیا آپ سمجھا کر لائے ہیں اسے کیا بولنا ہے؟سرکاری وکیل نے کہا کہ ہم نے کل شام کو انہیں گرفتار کیا، ان پر کیس ہے۔
عدالت نے کہا کہ شام میں اچانک کیا معجزہ ہوا ہے، ہم نے کہا آئی جی آئے گا اور ساتھ بندہ ہی آ گیا۔چیف جسٹس عامر فاروق نے کہا کہ نہ میں اس میں ضمانت دے سکتا ہوں نہ کوئی آرڈر، آبزرویشن دوں گا۔
درخواست گزار کے وکیل نے کہا کہ ہمارا ملزم آئی جی اسلام آباد ہے۔اسلام آباد ہائی کورٹ کے چیف جسٹس عامر فاروق نے کہا کہ اسی لیے کہہ رہے ہیں ہم آبزرویشن دیں گے۔عدالتی ریمارکس کے بعد پولیس بازیاب شہری کو ہتھکڑی سمیت عدالت سے واپس لے گئی۔
لاہور (قدرت روزنامہ)بالی وڈ کے سپر اسٹار اور فلم انڈسٹری میں بھائی جان کے نام…
اسلام آباد (قدرت روزنامہ)کرکٹ کے میدان میں مخالف ٹیموں کے چھکے چھڑانے والے سابق آسٹریلوی…
اسلام آباد (قدرت روزنامہ)اسپیکر قومی اسمبلی نے اسمبلی سیکرٹریٹ کے اخراجات میں کمی لانے کے…
اسلام آباد (قدرت روزنامہ)لاہور ہائیکورٹ کے جسٹس فاروق حیدر نے جلسے کی اجازت اور جلسہ…
اسلام آباد (قدرت روزنامہ)حکومت نے مئی کے بعد سے اب تک پیٹرولیم مصنوعات کی قیمتوں…
اسلام آباد (قدرت روزنامہ)زمبابوے کی حکومت نے خشک سالی اور جنگلات میں لگنے والی آگ…