اسلام آباد (قدرت روزنامہ)پاک فوج کے مقرر ہونے والے نئے سربراہ جنرل عاصم منیر ڈی جی آئی ایس آئی، کور کمانڈر گوجرانوالہ اور ڈی جی ایم آئی سمیت پاک فوج کے کئی اہم عہدوں پر فرائض انجام دے چکے ہیں۔
تفصیلات کے مطابق جنرل عاصم منیر پاک فوج کے سینئر ترین افسر ہیں، جنرل عاصم منیر دیگر افسران کی طرح پاکستان ملٹری اکیڈمی کے فارغ التحصیل نہیں بلکہ وہ آفیسرز ٹریننگ اسکول منگلا سے تربیت مکمل کرکے پاک فوج کا حصہ بنے،انہیں اوائل عمری میں ہی قرآن مجید حفظ کرنے کا شرف بھی حاصل ہے، آفیسرز ٹریننگ اسکول منگلا میں تربیت کے دوران انہیں بہترین کارکردگی پر اعزازی شمشیر سے نوازا گیا،
تربیت مکمل کرنے کے بعد انہوں نے پاک فوج کی فرنٹیئر فورس رجمنٹ میں کمیشن حاصل کیا۔ جنرل عاصم منیر دو ہزار چودہ میں کمانڈر فورس کمانڈ ناردرن ایریا خدمات انجام دینے کے بعد دو ہزار سترہ میں ڈی جی ملٹری انٹیلی جنس کے عہدے پر فائز ہوئے ، اکتوبر دو ہزار اٹھارہ میں لیفٹیننٹ جنرل کے عہدے پر ترقی پانے کے بعد انہیں ڈی جی آئی ایس آئی تعینات کیا گیا،وہ جون دو ہزار انیس میں کور کمانڈر گوجرانوالہ کے عہدے پر تعینات ہوئے،جنرل عاصم اکتوبر دو ہزار اکیس سے جی ایچ کیو میں بطور کوارٹر ماسٹر جنرل فرائض سرانجام دے رہے تھے۔
اسلام آباد (قدرت روزنامہ)اے این ایف کی جانب سے مختلف کارروائیوں میں 2 ٹن سے…
لاہور(قدرت روزنامہ) پولیس اہل کاروں پر حملے کرنے والے ٹارگٹ کلر ملزم نے تفتیش کے…
کراچی (قدرت روزنامہ) اداکارہ نازش جہانگیر نے کہا ہے کہ ان کا دل کبھی نہیں…
کوئٹہ(قدرت روزنامہ) پشین میں پولیس پر فائرنگ سے ڈی ایس پی اور ایس ایچ او…
کراچی(قدرت روزنامہ) سندھ ہائیکورٹ نے وزیر خارجہ اسحاق ڈار کی بطور نائب وزیر اعظم تعیناتی…
اسلام آباد(قدرت روزنامہ) وزیراعظم شہباز شریف نے گندم درآمد کیے جانے کا نوٹس لیتے ہوئے…