یونیورسٹیزاورکالجز کے طلبا کو سٹوڈنٹ لون دینے کا فیصلہ کون کون قرضہ لے سکے گا؟آسان شرائط سامنے آگئیں

لاہور(قدرت روزنامہ) حکومت نے یونیورسٹیزاورکالجز کے طلبا کو سٹوڈنٹ لون دینے کا فیصلہ کرلیا ، میرٹ پر داخل ہونیوالے طلباکو 10 سالہ مدت کیلئے سٹوڈنٹ لون ملے گا۔تفصیلات کے مطابق حکومت نے یونیورسٹیز اور کالجز کے طلبا کو سٹوڈنٹ لون دینے کا فیصلہ کیا ہے۔ سٹیٹ بینک کی منظور شدہ یونیورسٹیز میں14 مضامین کیلئے سٹوڈنٹ لون دیا جائے گا۔ انٹرمیڈیٹ اور میٹرک میں 70 فیصد نمبرز والے سٹوڈنٹ لون کیلئے اپلائی کر سکتے ہیں۔ بی ایس آنرز، ایم فل اور پی ایچ ڈی ڈگریوں کیلئے طلبا کو لون دیا جائے گا جبکہ سائنس و ٹیکنالوجی، کامرس، انجینئرنگ،کمپیوٹر سائنس اور اسلامک

لا کے طلبا اہل ہیں۔ایل ایل بی، ایگریکلچر، نیچرل سائنسز کے طلبا بھی لون کیلئے اپلائی کر سکتے ہیں۔ 140یونیورسٹیوں اور کالجوں میں داخلہ لینے والے طلبا کو لون ملے گا۔لاہور کی 15یونیورسٹیوں علامہ اقبال میڈیکل کالج، فاطمہ جناح میڈیکل کالج، کنگ ایڈورڈ میڈیکل کالج، پی یو، کینئرڈ کالج، لاہور کالج اور جی سی یو کے طلبا لون کے لیے اہل قرار ہوں گے۔ اسی طرح آئی ٹی یونیورسٹی، این سی اے، ایجوکیشن یونیورسٹی، یوایچ ایس، یو ای ٹی، ویٹرنری یونیورسٹی، ورچوئل یونیورسٹی اور پاکستان انسٹیٹیوٹ آف فیشن ڈیزائن شامل ہیں۔