طالبان نے بچوں، بوڑھوں کو انسانی ڈھال بنا لیا: امر اللّٰہ صالح

(قدرت روزنامہ)افغان رہنما امر اللّٰہ صالح نے الزام عائد کیا ہے کہ وادئ اندراب میں طالبان بچوں اور بوڑھوں کو انسانی ڈھال کے طور پر استعمال کر رہے ہیں . جاری کیئے گئے ایک بیان میں افغان رہنما امر اللّٰہ صالح کا کہنا ہے کہ طالبان نے افغانستان کی وادیٔ اندراب کا محاصرہ کر لیا ہے .

ان کا کہنا ہے کہ وادیٔ اندراب میں صورتِ حال بہت خراب ہے ، جہاں خوراک اور ایندھن کی قلت ہو گئی ہے . امر اللّٰہ صالح کا یہ بھی کہنا ہے کہ وادیٔ اندراب میں عورتیں اور بچے پہاڑوں میں چھپ گئے ہیں . برطانوی میڈیا کا کہنا ہے کہ امر اللّٰہ صالح کے اس بیان پر طالبان کی جانب سے اب تک ردِ عمل سامنے نہیں آیا ہے . . .