اپنے شوہر کاشناختی کارڈ اور تاریخ اجراء اس نمبر پر بھیجیں اور جانئے کہ آپ کے شوہر نے کتنی شادیاں کر رکھی ہیں

اسلام آباد (قدرت روزنامہ)نادرا نے شناختی کارڈ کی تصدیق وَ تجدید کے نئے نظام کا اجراء کر دیا،نئے نظام کی بدولت ہر پاکستانی تصدیق کر سکتا ہے کہ ان کے خاندان میں کوئی اجنبی یا غیرمتعلقہ فرد تو رجسٹرڈ نہیں ہے۔آپ کا خاندان محفوظ تو پاکستان محفوظ ٔکے مرکزی پیغام کے تحت آگاہی مہم کا آغاز کر دیا گیا،غیرقانونی طور پر پاکستان میں رہنےوالے غیرملکیوں کے خلاف آپریشن شروع کر دیا گیا، وزیراعظم پاکستان عمران خان نے گزشتہ ہفتے نادرا ہیڈکوارٹرز کا دورہ کیا۔ چیئرمین نادرا طارق ملک نے ڈیجیٹل پاکستان کے مکمل روڈ میپ پر تفصیلی بریفنگ

دی۔نادرا کی جانب سے جیسے ہی نیا نظام متعارف کرایا گیا تو اس حوالے سے سوشل میڈیا پر ایک نیا ٹرینڈ شروع ہو گیا کہ جس میں یہ کہا گیا کہ کسی شخص نے کتنی شادیاں کی ہوئی ہیں اب اس طریقہ کار سے بیویاں آسانی سے پتہ لگا سکیں گی ۔ کچھ صارفین کی جانب سے شوہر کو یہ پیغام دیا گیا کہ اگر آپ نے دوسری شادی کی ہوئی تو اپنی دوسری بیوی کا کارڈ پرانا ہی رہنے دیں اس کے والد کی جگہ اپنا نام مت تبدیل کروائیں۔ ایک سوشل میڈیا صارف اعجاز علی خان نے طنزاً کہا کہ شوہر کی دوسری شادی کنفرم کرنے کیلئے حکومت کا انقلابی قدم ، اپنے شوہر کا سی این آئی سی نمبر تاریخ اجراء کیساتھ 8009 پر میسج کریں، اور اس طریقہ کار سے معلوم کریں کہ آپ کے شوہر نے کتنی شادیاں کی ہوئی ہیں ۔ واضح رہے کہ نادرا نے شناختی کارڈ کی تصدیق وَ تجدید کے نئے نظام کا اجراء کر دیا،نئے نظام کی بدولت ہر پاکستانی تصدیق کر سکتا ہے کہ ان کے خاندان میں کوئی اجنبی یا غیرمتعلقہ فرد تو رجسٹرڈ نہیں ہے۔نادرا کے ڈیٹا بیس کو کسی بھی قسم کے غلط اندراج سے پاک بنانے کے لئے آرٹیفشل انٹیلی جنس جیسی جدت آمیز ٹیکنالوجی کا استعمال کیا جائے گا اور جعلی شناختی کارڈ کا سراغ لگایا جائے گا۔طارق ملک نے چیئرمین نادرا کا عہدہ سنبھالنے کے بعد انتہائی قلیل عرصے میں تصدیق و تجدید کے نظام کو تخلیق کیا اورعملدرآمد یقینی بنایا جس کی بدولت نادرا ڈیٹابیس میں موجود غیرملکیوں کی نشاندہی انتہائی آسان ہو گئی ہے۔تصدیق و تجدید کے اس جدید ترین نظام کی بدولت تمام پاکستانی شہری اپنے خاندان کے افراد کی تفصیل ایس ایم ایس کے ذریعے اپنے موبائل فون پر حاصل کر سکتے ہیں اور ان کی تصدیق بھی کر سکتے ہیں۔ نادرا میں اپنے رجسٹرڈ موبائل نمبر سے 8009 پر اپنا قومی شناختی کارڈ نمبر بمعہ تاریخ اجراء ایس ایم ایس کریں،جواب میں آپ کو اپنے خاندان کے افراد کی تفصیلات(فیملی ٹری) موصول ہوں گی۔ کوئی بھی معلومات اگر درست نہ ہوں یا خاندان میں کسی اجنبی یا غیرمتعلقہ فرد کا نام شامل ہو تو نادرا کو مطلع کرنے کے لئے جواب میں 1 لکھ کر ایس ایم ایس کریں۔ نادرا کا نمائندہ اس متعلق آپ سے رابطہ کریگا تمام معلومات درست ہوں تو 2 لکھ کر ایس ایم ایس کریںاور نادرا کو معلومات درست ہونے کی تصدیق کریں۔تصدیق و تجدید سروس سے فائدہ اٹھانے کے لئے ضروری ہے کہ ایس ایم ایس نادرا میں رجسٹرڈ اسی موبائل نمبر سے کیا جائے جو شناختی کارڈ یا “ب” فارم بنواتے وقت نادرا رجسٹریشن سینٹر پر فراہم کیا تھا۔اگر آپ کا موبائل نمبر نادرا میں رجسٹرڈ نہیں تو آپ کسی بھی نادرا سینٹر پر موبائل نمبر کی رجسٹریشنیا تبدیلی کے لئے تشریف لائیں۔ یہ سہولت تمام نادرا رجسٹریشن سینٹرز پر مفت فراہم کی گئی ہے۔ایس ایم ایس کے ذریعے موصول ہونے والی خاندان کی تفصیلات میں اگر خاندان کے کسی فرد کی تفصیل موجو نہ ہو تو آپ کسی بھی نادرا رجسٹریشن سینٹر پر جا کر اس کا اندراج کرا سکتے ہیں۔