سبز گنبد کے اندر موجود بینگنی رنگ کا گنبد ۔۔ دنیا کی سب سے خوبصورت مسجد نبوی ﷺ کے اندر موجود گنبد پر کس کے نام لکھے ہیں؟

 
سعودی عرب (قدرت روزنامہ)مسجد نبوی ﷺ دنیا جہاں میں مسلمانوں کے لیے خاص اہمیت رکھتی ہے، چونکہ یہاں تمام عالم کے محبوب اور اللہ کے پیارے نبی ﷺ اس دنیا سے پردہ فرما کر آرام فرما رہے ہیں، ساتھ ہی اسلام کی ایک تاریخ اس مسجد سے جڑی ہے۔

لیکن ہماری ویب ڈاٹ کام کی اس خبر میں آپ کو بتائیں گے وہ معلومات جو بہت کم لوگ جانتے ہیں۔

مسجد نبوی ﷺ میں موجود روضہ رسول ﷺ ہر مسلمان کے لیے خاص اہمیت رکھتا ہے، ساتھ ہی سبز رنگ کا گنبد بھی سب کے دلوں میں خاص مقام رکھتا ہے۔

گنبد خضرا کو اکثر نعتوں میں اور خوبصورت الفاظ میں یاد کیا جاتا ہے، تاہم بی بی سی کی جانب سے پبلش کی گئی تحریر میں اس حوالے سے کچھ ایسی معلومات فراہم کی گئیں جو سب کے لیے دلچسپی کا باعث بن گئی۔

علی بن احمد السمھودی اپنی کتاب وفا الوفا میں لکھتے ہیں کہ پیغمبرِ اسلام کی قبر پر پہلا گنبد 650 سال کے بھی بعد بنایا گیا تھا اور سب سے پہلا گنبد 1279 (678 ہجری) میں سلطان قلاوون نے بنوایا تھا اور یہ لکڑی کا تھا۔

ڈاکٹر اختر کہتے ہیں کہ ‘جو سبز گنبد ہم آج دیکھتے ہیں وہ درحقیقت پیغمبرِ اسلام کے کمرے کے اوپر موجود باہری گنبد ہے۔ اس کے اندر ایک اور گنبد ہے جو اس سے کہیں چھوٹا ہے اور اس پر پیغمبرِ اسلام، حضرت ابوبکر اور حضرت عمر کے نام کندہ ہیں۔’

یہ نیچے سے چوکور اور اوپر سے آٹھ کونوں کی ساخت کا حامل تھا۔ جزیرہ انسائیکلوپیڈیا کے مطابق اسے جل جانے کے بعد ایک سے زائد مرتبہ از سرِ نو تعمیر کیا گیا اور عثمانی سلطان غازی محمود نے اسے دوبارہ تعمیر کروایا۔

رفعت پاشا کی ڈائریاں، جلد اول، صفحہ 464 سے 465 کا حوالہ دیتے ہوئے ڈاکٹر اختر بتاتے ہیں کہ 1837 میں سبز پینٹ کیے جانے سے قبل اسے طویل ترین عرصے تک سفید اور بعد میں بینگنی نیلے رنگ سے پینٹ کیا گیا تھا۔