عمران خان نے پاکستان کی عزت کو خاک میں ملایا، شہباز شریف

اسلام آباد (قدرت روزنامہ)وزیر اعظم شہباز شریف کا کہنا ہے کہ یقین دلاتا ہوں کہ جب تک سیلاب متاثرین اپنے گھروں کو واپس نہیں چلے جائیں گے تب تک چین سے نہیں بیٹھیں گے۔
ڈیرا اسماعیل خان میں تقریب سے خطاب کرتے ہوئے وزیر اعظم شہباز شریف نےکہاکہ یہ میاں نواز شریف کا خواب تھا جس نے موٹرویز کے ذریعے پاکستان کو ایک لڑی میں پرو دیا ہے۔انہوں نے کہا کہ پچھلی حکومت نے پاکستان کی معیشت کا بیڑہ غرق کیا اور منصوبوں کو سرد خانے میں ڈال دیا۔
شہباز شریف کا کہنا ہے کہ عمران خان نے پاکستان کی عزت کو خاک میں ملایا، سابق وزیر اعظم نے خانہ کعبہ کے ماڈل کی گھڑی بیچ کر پیسے جیب میں ڈال لیے۔وزیر اعظم نے کہاکہ پاکستان کی جتنی بے توقیری پچھلی حکومت نے کی، آج تک کسی نے نہیں کی۔