راشد سومرو کا خواتین کو پی ڈی ایم جلسے میں شرکت سے روکنے کا بیان، مریم اورنگزیب کا ردعمل بھی سامنے آگیا

کراچی (قدرت روزنامہ)پاکستان مسلم لیگ (ن) کی ترجمان مریم اورنگزیب نے کہا ہے کہ پاکستان ڈیمو کریٹک موومنٹ (پی ڈی ایم )کے کل کے جلسے میں خواتین شرکت کریں گی،خواتین پی ڈی ایم تحریک کا بینادی اور قابل فخر حصہ ہیں۔

واضح رہے کہ پی ڈی ایم کے جلسے کے حوالے سے جمیعت علما اسلام کے رہنما راشدسومرو نے بیان دیا تھا کہ خواتین کل کے جلسے میں شرکت نہ کریں۔ ہم خواتین کا احترام کرتے ہیں مگر خواتین سے اپیل ہے کہ وہ کل کے جلسے میں شریک نہ ہوں۔پی ڈی ایم کل کراچی میں حکومت کے خلاف جلسے کے انعقاد کرے گی جس میں تمام اپوزیشن پارٹیوں کے رہنما شریک ہونگے۔