ممبئی(قدرت روزنامہ)بالی ووڈ کی متنازع اداکارہ کنگنا رناوت گزشتہ کچھ دنوں سے شاہ رخ خان کی فلم ’پٹھان‘ کے بارے میں ٹوئٹ کر رہی ہیں۔ کنگنا رناوت نے مائیکروبلاگنگ ویب سائٹ ٹوئٹر پر فلم’پٹھان‘ پر کیے گئے ایک مثبت تجزیے پر اپنا ردِ عمل دیا ہے۔
اُنہوں نے اپنے ٹوئٹ میں لکھا کہ بہت اچھا تجزیہ ہے، اس ملک نے صرف اور صرف تمام ’خانز‘ سے محبت کی ہے اور کبھی کبھی تو صرف اور صرف شاہ رخ خان سے محبت کی ہے۔
اُنہوں نے مزید لکھا کہ’خانز‘کے علاوہ بھارت مسلمان اداکاراؤں کا دیوانہ ہے، اس لیے بھارت پر نفرت اور فاشسٹ ہونے کا الزام لگانا انتہائی ناانصافی ہے، دنیا بھر میں بھارت جیسا کوئی ملک نہیں ہے۔اداکارہ کے اس ٹوئٹ پر صارفین کی جانب سے برہمی کا اظہار کیا جارہا ہے۔
اس صارف نے لکھا کہ تو آپ یہ کہنا چاہتی ہیں کہ آپ اس ملک کا حصّہ نہیں ہیں؟ آپ نے خانز پر بلاوجہ تنقید کی ہے اور کئی دوسرے لوگ بھی آپ کا ساتھ دینے کے لیے ہر چیز کو ہندو فوبک کہہ کر مذہب کارڈ کھیلتے ہیں۔
ایک اور صارف نے لکھا کہ ہر چیز کو ہندو مسلم نظریے سے دیکھنا آپ کی بیماری ہےاور یہ بہت خطرناک بیماری ہے، یہ انسانوں کو اندر سے ختم کردیتی ہے۔ جب آپ بھارت کو خانز یا مسلمانوں میں تقسیم کرتے ہیں تو یہ بنیادی طور پر نفرت ہے جس کا آپ اظہار کررہی ہیں۔
صارف نے مزید لکھا کہ آپ جنہیں اس طرح لیبل کررہی ہیں وہ لوگ محض بھارتی شہری ہیں۔ایک صارف نے اداکارہ کو مشورہ دیا کہ اگر آپ واقعی اس نظریے سے سوچتی ہیں تو آپ صرف ایک فلم بنانے کے لیے اپنا نام ’کنگنا‘ سے تبدیل کرکے’کائنات‘ رکھیں اور دیکھیں کے آپ کی فلم ہٹ ہوتی ہے یا نہیں۔
اسلام آباد (قدرت روزنامہ)سوشل میڈیا پر چند روز سے ایک ویڈیو گردش کر رہی ہے…
اسلام آباد (قدرت روزنامہ)چیف آف آرمی اسٹاف جنرل سیّد عاصم منیر سے روس کے نائب…
اسلام آباد (قدرت روزنامہ)سینیئر سیاستدان و سابق وفاقی وزیر شیریں مزاری نے بھی افغان قونصل…
اسلام آباد (قدرت روزنامہ) سی پی پی اے نے بجلی کی قیمتوں میں کمی کی…
پشاور (قدرت روزنامہ) خیبرپختونخوا کابینہ نےمجوزہ آئینی ترمیم کےخلاف سپریم کورٹ میں درخواست دائر کرنے…
اسلام آباد(قدرت روزنامہ) وزیر قانون اعظم نذیر تارڑ نے کہا ہے کہ جسٹس قاضی فائز…