مہران ٹائون فیکٹری حادثے کی تحقیقات کا دائرہ وسیع متعلقہ محکمے بھی شامل

کراچی(قدرت روزنامہ) کورنگی مہران ٹائون فیکٹری حادثے کی تحقیقات کا دائرہ وسیع کردیا گیاہے ۔ فیکٹری حادثے کی تحقیقات میں متعلقہ محکموں کو بھی شامل تفتیش کرنے کا فیصلہ کرلیا گیا۔ تفتیش کار اب تک آگ لگنے اور پھیلنے کی وجوہات کا تعین نہیں کرسکے۔کراچی کے علاقے کورنگی مہران ٹائون فیکٹری حادثے کی تحقیقات کا دائرہ وسیع کرنے کا فیصلہ کرلیا گیا ہے ۔ فیکٹری حادثے کی تحقیقات میں متعلقہ محکموں کو بھی شامل تفتیش کرنے کا فیصلہ کیا گیا ہے ۔ شامل تفتیش محکموں میں کے ڈی اے، ایس بی سی اے اور ریونیو ڈیپارٹمنٹ،سیسی،لیبر اور فائر بریگیڈ

کے محکموں کو بھی شامل تفتیش کیا گیا ہے۔تفتیش کار اب تک آگ لگنے اور پھیلنے کی وجوہات کا تعین نہیں کرسکے۔ دھوئیں میں ایسا کون سا کیمیکل یا گیس تھی جس نے 16 افراد کی جان لے لی ۔ کیس کے حل کے لئے متعلقہ محکمے اٹھائے گئے سوالات کا جواب دینے کے پابند ہونگے۔ تفتیش کاروں نے متعلقہ محکموں سے جواب طلبی کے لئے خطوط ارسال کردیے۔