لڑکی کے لیپ ٹاپ سے تصاویر نکال کر بلیک میل کرنے والا ملزم گرفتار

گوجرانوالہ(قدرت روزنامہ)فیڈرل انویسٹی گیشن ایجنسی(ایف آئی اے) نے لڑکی کے لیپ ٹاپ سے تصاویر نکال کر بلیک میل کرنے والے ملزم کو گرفتار کرلیا . نجی ٹی وی جیو نیوز کے مطابق ڈپٹی ڈائریکٹر ایف آئی اے نے بتایا کہ لڑکی نے ملز م کو لیپ ٹاپ ٹھیک کرنے کے لئے دیا تھا ، ملزم نے لڑکی کے لیپ ٹاپ سے تصاویر لیں اور بعد میں بلیک میل کرنے لگ گیا .

ڈپٹی ڈائریکٹر کے مطابق لڑکی کے والد نے سائبر ونگ کرائم میں شکایت کی جس پر ملزم کے خلاف مقدمہ درج کرکے کاروائی کا آغاز کیا گیا . ڈپٹی ڈائریکٹر نے مزید بتایا کہ گھنٹہ گھر چوک کے قریب کارروائی کرتے ہوئے ملزم کو گرفتار کیا گیا ہے اور تفتیش کا آغاز کردیا گیا ہے . . .