پنجاب یونیورسٹی میں عمران خان پر تشدد کرنے والے نوجوان کو وزیراعلیٰ پنجاب کا معاون خصوصی مقرر کردیا گیا

لاہور(قدرت روزنامہ)وزیراعظم عمران خان پر پنجاب یونیورسٹی پر تشدد کرنے والے اسلامی جمیت طلباء کے سابق ناظم حافظ فرحت عباس کو وزیراعلیٰ پنجاب سردار عثمان بزدار کا معاون خصوصی مقرر کردیا گیا ۔

تفصیلات کے مطابق عمران خان کو 2007 میں پنجاب یونیورسٹی میں تشدد کا نشانہ بنایا گیا تھا،اس واقعہ میں اسلامی جمیت طلباءکے ناظم حافظ فرحت عباس آگے آّگے تھے۔عمران خان کو اس دوران ایک ڈیپارٹمنٹ میں مبحوس کردیا گیا اور بعدازاں پولیس کے حوالے کردیا گیا۔تاہم اب ان کو وزیراعلی پنجاب سردار عثمان بزدار کا معاون خصوصی تعینات کردیا گیا ہے۔اس حوالے سے باقاعدہ نوٹیفکیشن بھی جاری کردیا گیا ہے۔ حافظ فرحت عباس بعد ازاں اسلامی جمعیت طلباء کو چھوڑ کر تحریک انصاف کی طلبہ تنظیم انصاف سٹوڈنٹس فیڈریشن (آئی ایس ایف) کا حصہ بن گئے تھے۔ وہ طویل عرصے تک عمران خان کے کوآرڈینیٹر رہے۔ موجودہ دور حکومت میں وہ ٹیوٹا کے چیئرمین بھی رہ چکے ہیں۔