ممبئی(قدرت روزنامہ)معروف بھارتی اداکار سدھارتھ شکلا کی پوسٹ مارٹم رپورٹ منطر عام پر آ گئی۔اسپتال کے ڈاکٹرز کے مطابق سدھارتھ شکلا کی موت میں کوئی غلط کام نہیں ہوا یعنی اداکار کی موت کسی سازش کا نتیجہ نہیں تھی۔سب سے اہم بات پوسٹ مارٹم رپورٹ میں کوئی اندرونی یا بیرونی چوٹ کے نشان نہیں ملے۔پولیس کے مطابق چونکہ لاش کو ڈائریکٹ اسپتال لایا گیا تھا اس لیے ڈبل چیک کیے جا رہے ہیں۔
سدھارتھ شکلا کی فیملی نے ابھی تک کسی قسم کے شک و شبہ کا اظہار نہیں کیا۔یہاں تک کہ پولیس نے بھی اداکار کی موت کے حوالے سے کسی پر شک نہیں کیا ہے۔پوسٹ مارٹم رپورٹ میں ڈاکٹرز کی جانب سے کوئی حتمی رائے نہیں دی گئی ابھی تمام رپورٹس زیر التوا ہیں اور کچھ بھی حتمی نہیں ہے۔
اداکار کی موت کے حوالے سے ایک ہسٹو پیتھولی مطالعہ اور سی اے رپورٹ اداکار کی موت کی وجہ پر روشنی ڈالے گی۔
سدھارتھ شکلا کے پوسٹ مارٹم کو ویڈیو میں ریکارڈ کیا گیا اور پولیس کے سامنے اداکار کی لاش کا دوبارہ معائنہ کیا۔چونکہ یہ کیس حساس ہے اور سشانت سنگھ راجپوت کی موت کے سابقہ تجربے سے سبق لیتے ہوئے پولیس کوئی چانس نہیں لینا چاہتی تھی لہذا ہر چیز کی ویڈیوز گرافی کی گئی ہے۔واضح رہے کہ معروف بھارتی اداکار سدھارتھ شکلا گذشتہ روز چل بسے تھے ۔
بھارتی میڈیا رپورٹس کے مطابق سدھارتھ شکلا دل کا دورہ پڑنے کے باعث 40 سال کی عمر میں انتقال کر گئے۔سدھارتھ شکلا کو دل کا دورہ پڑنے کے باعث ممبئی کے اسپتال میں منتقل کیا گیا تھا جہاں وہ انتقال کر گئے۔ سدھارتھ شکلا کی اچانک موت سے شوبز انڈسٹری میں سوگ کا سماں ہے جبکہ مداح بھی ان کی اچانک موت سے صدمے سے دوچار ہو گئے۔ سدھارتھ شکلا بھارتی ٹی وی کا جانا پہنچانا چہرہ ہے اور بگ باس 13 کے فاتح بھی تھے۔
اسپتال انتظامیہ کے مطابق سدھارتھ شکلا سونے سے قبل کچھ دوائیں کھائی تھیں اور اس کے بعد وہ جاگے ہی نہیں۔بعدازاں اسپتال نے تصدیق کی کہ سدھارتھ شکلا کی موت ہارٹ اٹیک کی وجہ سے ہوئی۔سدھارتھ شکلا کی لاش کا پوسٹ مارٹم بھی کیا جا رہا ہے جس کے بعد ان کی لاش کو گھر والوں کے حوالے کیا جائے گا۔
اسلام آباد (قدرت روزنامہ)چین کے صدر شی جن پنگ نے وزیرِ اعظم شہباز شریف کی…
ممبئی (قدرت روزنامہ )بالی وڈ کے خوبصورت اور کامیاب کپل عالیہ بھٹ اور رنبیر کپور…
لاہور(قدرت روزنامہ)فلک جاوید کے والد جاوید اقبال کا کہنا ہے کہ عظمیٰ بخاری کی نازیبا…
راولپنڈی(قدرت روزنامہ) ایف آئی اے نے بانی پی ٹی آئی اور بشریٰ بی بی کے…
کراچی(قدرت روزنامہ )امیگریشن کے عملے نے جعلی میڈیکل اور کاروباری دستاویزات پر پاکستان آکر کراچی…
اسلام آباد (قدرت روزنامہ )آئی ایس پی آر کے مطابق لیفٹیننٹ جنرل عاصم ملک کو…