کنزہ ہاشمی کی صبور علی کے ہمراہ دلچسپ ویڈیو وائرل

لاہور (قدرت روزنامہ)پاکستان کی معروف اداکارہ کنزہ ہاشمی کی ساتھی اداکارہ صبور علی کے ہمراہ ویڈیو سوشل میڈیا پر وائرل ہو گئی ہے۔حال ہی میں پاکستان کی معروف اداکارہ کنزہ ہاشمی نے اپنے انسٹاگرام اکاؤنٹ پر ایک ویڈیو پوسٹ کی ہے جسے مداحوں کی جانب سے خوب پسند کیا جارہا ہے۔

شیئر کی گئی ویڈیو میں کنزہ ہاشمی اور صبور علی کو ایک ساتھ کھانا کھاتے ہوئے دیکھا جاسکتا ہے۔اس سے قبل اداکارہ نے فوٹو اینڈ ویڈیو شئیرنگ ایپ انسٹا گرام پر چند تصاویر پوسٹ کی تھیں۔
شئیر کی گئی تصاویر میں کنزہ ہاشمی کو ہلکے رنگ کے مشرقی لباس میں دیکھا گیا تھا جس میں وہ بے حد پیاری لگ رہی تھیں۔

پاکستان شوبز انڈسٹری کی معروف اداکارہ کنزہ ہاشمی کا شمار ان شوبز اداکاراؤں میں ہوتا ہے جنہوں نے کئی فلموں، ڈراموں اور اشتہاروں میں اپنی اداکاری کے جوہر دکھائے ہیں۔

معروف اداکارہ کنزہ ہاشمی سوشل میڈیا پر کافی متحرک نظر آتی ہیں اور اکثر اپنی تصاویر اور ویڈیوز شیئر کرتی رہتی ہیں جس کو مداحوں کی جانب سے خوب پسند بھی کیا جاتا ہے۔