زمان پارک میں اکیلی خاتون ہے تو پولیس پرپیٹرول بم کون برسا رہا ہے، مریم نواز

لاہور(قدرت روزنامہ)پاکستان مسلم لیگ (ن) کی نائب صدر مریم نواز کا کہنا ہے کہ عمران خان کو لیڈر کہنا سیاسی کارکنوں کی جدوجہد کی تذلیل ہوگی .

مریم نواز نے ٹوئٹر پر بیان میں کہا کہ اگرزمان پارک میں صرف ایک خاتون موجود ہے تو پولیس پر اندر سے گولیاں اور پیٹرول بم کون برسا رہا ہے .

جھوٹ بولنے سے پہلے سوچتے نہیں . عمران خان کو گرفتاری سے زیادہ اپنے مکروہ اعمال کا خوف ہے . سیاست دان بہادر ہوتے ہیں گرفتاری اور احتساب سے نہیں ڈرتے . گرفتاری اور احتساب سے صرف چور، ڈاکو اور دہشت گرد ڈرتے ہیں .

مریم نواز کا مزید کہنا تھا کہ عمران خان کو لانے والے اپنے بدترین انجام کو پہنچے . ان کی سیاست بھی رسوائی کے ساتھ اختتام کی طرف بڑھ رہی ہے . اب پتا چلا کہ جب سے اس دہشتگرد عمران کو زبردستی سیاست میں گھسیڑا گیا تب سے ملک فتنہ اور انتشار کا شکار کیوں ہے . پی ٹی آئی ایک دہشتگرد جماعت ہے جس کے سرغنہ نے قانون اور سزا سے بچنے کے لیے شرپسند اور تربیت یافتہ دہشتگرد اپنے گھر میں رکھے ہوئے ہیں .

کہا تھا نا کہ یہ ایک دہشت گرد جماعت ہے جس کے سرغنہ نے قانون اور سزا سے بچنے کے لیے شرپسند اور تربیت یافتہ دہشت گرد اپنے گھر میں رکھے ہوئے ہیں . یہ مناظر آج سے پہلے صرف دہشت گردی کے حوالے سے دیکھنے کو ملے . شرمناک! pic.twitter.com/S2uKSS4bEf

— Maryam Nawaz Sharif (@MaryamNSharif) March 18, 2023

مریم نواز نے کہا پاکستان میں سیاسی رہنماؤں اور سیاسی جماعتوں نے ہمیشہ نہتے جدوجہد کی اور قربانیاں دیں . پی ٹی آئی کو سیاسی جماعت کہنا یا عمران خان کو سیاسی لیڈر کہنا، کئی دہائیوں پر پھیلی سیاسی کارکنوں کی جدوجہد کی تذلیل ہوگی .