لاہور (قدرت روزنامہ)قومی ٹیم کے بیٹنگ کوچ نے افغانستان کے خلاف سیریز کیلئے ساتھ جانے سے معذرت کر لی تھی جس کی وجہ اب سامنے آ گئی ہے ۔
نجی ٹی وی جیونیوز نے ذرائع سے دعویٰ کیاہے کہ محمد یوسف کے دورہ قومی ٹیم کے ساتھ نہ جانے کے پیچھے وجہ ان کی اہلیہ کی ناساز طبیعت ہے ہے اور انہوں نے سب سے دعاﺅں کی اپیل بھی کی ہے ۔قبل ازیں پاکستان کرکٹ بورڈ (پی سی بی) نے ہیڈ کوچ کیلئے محمد یوسف کے نام کا اعلان کیا تھا تاہم اگلے دن عبدالرحمان کو ہیڈ کوچ بنادیا اور محمد یوسف کو بیٹنگ کوچ برقرار رکھا۔
ذرائع کے مطابق عبدالرحمان پاکستان اور افغانستان سیریز کے بعد پاکستان اے ٹیم کے ہیڈ کوچ بن جائیں گے، صبیح اظہر کو بنگلہ دیش کے دورے کیلئے پاکستان اے ٹیم کا ہیڈ کوچ مقرر کیا جا رہا ہے جبکہ سابق ٹیسٹ آف اسپنر توصیف احمد کو پاکستان انڈر 19 ٹیم کا منیجر بنایا جارہا ہے۔
ذرائع کا کہنا ہے کہ پاکستان ٹیم کے سابق ہیڈ کوچ ثقلین مشتاق کی متحدہ عرب امارات میں بات چیت چل رہی ہے انہیں اماراتی ٹیم کا ہیڈ کوچ بنانے کی تجویز ہے۔یاد رہے کہ پاکستان اور افغانستان کے درمیان 3 ٹی ٹوئنٹی میچز کی سیریز کا پہلا میچ 24 مارچ کو شارجہ کرکٹ اسٹیڈیم میں کھیلا جائے گا جبکہ دونوں ٹیموں کے درمیان دوسرا اور تیسرا میچ 26 اور 27 مارچ کو شارجہ میں ہی شیڈول ہے۔
گوادر(قدرت روزنامہ)انجمن اتحاد ماہیگیران سربندن کے ترجمان کی جانب سے بیان میں کہا گیا ہے…
کوئٹہ(قدرت روزنامہ)بلوچ یکجہتی کمیٹی کے رہنماﺅں اور انسانی حقوق کے کارکنوں نے کہا ہے کہ…
پسنی(قدرت روزنامہ)پسنی ،گجہ ٹرالروں اور ممنوعہ جالوں کے بے دریغ استعمال کے اثرات ، ڈولفن…
کوئٹہ(قدرت روزنامہ)کوئٹہ کے چار بڑے ہسپتالوں میں پچھلے دس برسوں کے دوران میڈیکل مشینوں کو…
کوئٹہ(قدرت روزنامہ)سنی علماءکونسل بلوچستان کے صدر مولانا محمد رمضان مینگل اور دیگر عہدیداروں نے نوشکی…
کوئٹہ(قدرت روزنامہ)سپریم کورٹ بار ایسوسی ایشن کے سابق صدر امان اللہ کنرانی نے ہفتہ 18…