مونگ پھلی کے کرشماتی فوائد

(قدرت روزنامہ)زیادہ تر لوگ مونگ پھلی کو سرد موسم میں رات کے وقت کھانا پسند کرتے ہیں، اس کے کھانے سے آپ کو صحت کے کرشماتی فوائد بھی ملتے ہیں۔

مٹھی بھر مونگ پھلی کا استعمال آپ کو ایک ساتھ کئی غذائی اجزاء دیتا ہے لہٰذا ماہرین کہتے ہیں کہ اچھے ذائقے سے لطف اندوز ہونے اور حیرت انگیز فوائد حاصل کرنے کے لئے مونگ پھلی کو لازمی اپنی خوراک میں شامل کریں۔

100 گرام مونگ پھلی میں تقریباً 25 سے 25.8 گرام پروٹین ہوتا ہے، پروٹین انسانی جسم کے لئے ضروری ہے اور مونگ پھلی کو محدود مقدار میں کھانے سے آپ کو پروٹین ملے گا۔

اس کے علاوہ مونگ پھلی میں چربی کی مقدار کم ہوتی ہے جس کی وجہ سے ہمیں وزن کم کرنے میں مدد مل سکتی ہے جبکہ یہ آپ کو دل کی بیماریوں کے خطرے سمیت کولیسٹرول کو کنٹرول کرنے میں مدد دے سکتی ہے۔

مونگ پھلی ایک کم گلیسیمک خوراک ہے جو اسے ذیابیطس کے مریضوں کے لئے اچھا بناتی ہے ،گلیسیمیک انڈیکس بلڈ شوگر لیول پر کھانے کے اثرات کو بیان کرتا ہے جبکہ ذیابیطس کے مریض اپنی ذیابیطس کی خوراک میں مونگ پھلی کو محدود مقدار میں شامل کر سکتے ہیں۔

غذا میں سادہ تبدیلیاں آپ کو بلڈ شوگر لیول کو مؤثر طریقے سے کنٹرول کرنے میں مدد دے سکتی ہیں۔

مونگ پھلی کئی ضروری غذائی اجزاء سے بھرپور ہوتی ہے، یہ آپ کو پروٹین، اومیگا 3، اومیگا 6، فائبر، تانبا ، فولیٹ، وٹامن ای، تھامین، فاسفورس اور میگنیشیم پیش کرسکتی ہے اور یہ آپ کو ایک ساتھ کئی غذائی اجزاء مہیا کر سکتی ہے۔