لاہور(قدرت روزنامہ) سوئی نادرن گیس پائپ لائنز لمیٹڈ (ایس این سی پی ایل) متعدد تکنیکی مسائل کے باعث گزشتہ 7 برس سے سالانہ 5 لاکھ نئے گیس کنیکشنز کا کوٹہ استعمال کرنے میں ناکام ہے۔
دوسری جانب آئل اینڈ گیس ریگولیٹری اتھارٹی (اوگرا) نے ایس این جی پی ایل کو ہدایت کی ہے کہ نئے کینکشنز دیتے ہوئے پنجاب، اسلام آباد، خیبرپختونخوا اور کشمیر کے بڑے حصے کو کور کیا جائے اور رہائشی علاقوں میں سال 2011 سے منظور شدہ اسکیمز کو ترجیح دی جائے۔
ڈان اخبار کی رپورٹ کے مطابق اس ضمن میں ایک عہدیدار نے نام نہ ظاہر کرنے کی شرط پر بتایا کہ ’مارچ 2021 تک نئے زیر التوا کینکشنز کی تعداد 28 لاکھ تک پہنچ گئی تھی جس میں زیادہ تر گھریلو کیٹیگری کے تھے‘۔
عہدیدار نے مزید کہا کہ میرے خیال میں اب یہ تعداد 30 لاکھ سے تجاوز کر گئی ہوگی جس میں سے متعدد درخواستیں ڈیمانڈ نوٹس فیس اور دیگر چارجز کے علاوہ فی کنیکشن اضافی 25 ہزار روپے کی ادائیگی کر کے فوری کنیکشن حاصل کرنے والوں کی ہیں۔
انہوں نے واضح کیا کہ سالانہ کوٹہ مکمل طور پر استعمال نہ ہونے کی بڑی وجہ مقامی گیس کی پیداوار میں کمی، گیس کے نئے ذخائر دریافت کرنے میں تاخیر، بڑھتی ہوئی آبادی اور نئی ہاؤسنگ اسکیمز اور فاسٹ ٹریک پالیسی کے تحت نئے کینکشنز کی تنصیب کی صلاحیت کم ہونا ہے۔
ایس این جی پی ایل کی 22 مارچ کی درخواست پر اوگرا کے 17 اگست کے فیصلے کے مطابق ریگولیٹر نے گہرائی سے اعداد و شمار کا جائزہ لیا جس پر اسے معلوم ہوا کہ کمپنی کو گزشتہ 7 برسوں میں مجموعی طور پر 35 لاکھ نئے کنیکشنز کی اجازت دی گئی جبکہ کمپنی نے تمام ریجنز میں 25 لاکھ 30 ہزار نئے کنیکشنز فراہم کیے۔
مالی سال 22-2021 کے لیے متوقع آمدنی کی ضرورت پر کمپنی کی درخواست پر اوگرا کا اپنے فیصلے میں مزید کہنا تھا کہ یوں گزشتہ 7 برسوں میں 9 لاکھ 69 ہزار گیس کنیکشنز کا کوٹہ غیر استعمال شدہ رہا۔
اوگرا کا فیصلے میں کہنا تھا کہ مذکورہ بالا صورتحال کے پیش نظر اتھارٹی درخواست گزار کو جاری اسکیموں کے سلسلے میں نئے گیس کنکشن فراہم کرنے کے لیے اصولی منظوری دیتی ہے جس میں 2011 سے منظور شدہ ایسی اسکیموں کو ترجیح دی جائے جو 50 فیصد سے زیادہ مکمل ہیں۔
اوگرا نے مزید کہا کہ درخواست گزار کے لیے ضروری ہے کہ وہ نیٹ ورک میں توسیع کے لیے منصوبہ بندی کو یقینی بنائے جس میں نئے گیس کنکشنز کی فراہمی شامل ہے۔
اوگرا نے ایس این جی پی ایل کو یہ بھی ہدایت کی کہ اس بات کو یقینی بنایا جائے کہ نئے گیس کنیکشنز/ترقیاتی اسکیموں کا اضافہ موجودہ صارفین کو گیس کی فراہمی کے تسلسل کو متاثر نہ کرے اور نئے کنکشنز کے لیے کافی اضافی گیس کی فراہمی کا بندوبست کیا جائے
مزیدبرآں موجودہ صارفین پر اس کا کوئی مالی اثر نہیں ہونا چاہیے۔
اسلام آباد (قدرت روزنامہ)آئی جی اسلام آباد ڈی چوک پہنچے جہاں انھوں نے پولیس فورس،…
اسلام آباد (قدرت روزنامہ) وزیراعظم شہباز شریف نے 7 اکتوبر کو یوم یکجہتی فلسطین منانے…
سوات(قدرت روزنامہ)مالم جبہ میں پولیس اور دہشتگردوں میں فائرنگ کے تبادلے میں 2 دہشتگرد ہلاک…
ممبئی(قدرت روزنامہ) بالی ووڈ اداکارہ ڈیزی شاہ نے کہا ہے کہ انہوں نے انڈسٹری میں…
اسلام آباد(قدرت روزنامہ) گورنر خیبرپختونخوا فیصل کریم کنڈی نے وزیراعظم سے ملاقات کی ہے جبکہ…
کراچی(قدرت روزنامہ)پاکستانی اداکارہ اور میزبان نادیہ خان نے کہا ہے کہ حلالہ سنٹرز بن گئے…