لاہور (قدرت روزنامہ)پاکستان تحریک انصاف (پی ٹی آئی ) کے چیئرمین عمران خان اور ان کی اہلیہ بشریٰ بی بی کے خلاف دوران عدت نکاح کرنے پر کارروائی کے لیے ایک اور درخواست دائر کر دی گئی ہے۔اسلام آباد کے شہری محمد حنیف نے اسلام آباد کی سیشن کورٹ میں درخواست دائر کی ہے۔
شہری کی جانب سے دائر کی گئی درخواست پر سینئر سول جج نصر من اللہ 8 اپریل کو سماعت کریں گے جبکہ درخواست گزار کی جانب سے بیان قلمبند کروا دیا گیا ہے۔درخواست گزار نے لاہور میں پڑھائے گے نکاح کی کاپی بھی درخواست کے ساتھ منسلک کی ہے۔درخواست میں عمران خان ، بشریٰ بی بی اور اسٹیٹ کو فریق بنایا گیا ہے۔
واضح رہے کہ عمران خان کی بشریٰ بی بی کے ساتھ ہونے والی شادی کے بعد یہ خبریں میڈیا کی زینت بنی تھیں کہ عدت کے دوران نکاح کیا گیا اور اس حوالے سے نکاح پڑھانے والے مفتی سعید نے انکشاف کیا تھا کہ عمران خان اور بشریٰ بی بی کا نکاح 2 مرتبہ پڑھایا جس کی وجہ یہ تھی پہلا نکاح عدت میں ہوا تھا۔
واضح رہے کہ گزشتہ روز جمیعت علمائے اسلام نے بھی چیئرمین تحریک انصاف عمران خان کی نااہلی کے لیے پشاور ہائیکورٹ میں درخواست دائر کی تھی جس میں موقف اختیار کیا گیا تھا کہ عمران خان نے دوران عدت بشریٰ بی بی سے شادی کی، دوران عدت شادی غیرشرعی ہے، عمران خان سے متعلق ریحام خان نے بھی اپنی کتاب بھی کئی انکشافات کئے ہیں۔
اسلام آباد (قدرت روزنامہ)سینیئر سیاستدان و سابق وفاقی وزیر شیریں مزاری نے بھی افغان قونصل…
اسلام آباد (قدرت روزنامہ) سی پی پی اے نے بجلی کی قیمتوں میں کمی کی…
پشاور (قدرت روزنامہ) خیبرپختونخوا کابینہ نےمجوزہ آئینی ترمیم کےخلاف سپریم کورٹ میں درخواست دائر کرنے…
اسلام آباد(قدرت روزنامہ) وزیر قانون اعظم نذیر تارڑ نے کہا ہے کہ جسٹس قاضی فائز…
ممبئی(قدرت روزنامہ)بالی ووڈ اداکار ویویک اوبرائے نے انکشاف کیا کہ انہیں انڈرورلڈ سے سنگین دھمکیاں…
فیصل آباد(قدرت روزنامہ)پاکستان کرکٹ ٹیم کے جارح مزاج بیٹر آصف علی نے کہا کہ وہ…