مدینہ منورہ(قدرت روزنامہ)مدینہ میں آج نئی الیکٹرک بس سروس کا آغاز کیا گیا جو عوامی نقل و حمل کے دوستانہ طریقوں سے مسجد نبوی کے زائرین اور رہائشیوں کو خدمات فراہم کرے گی۔سعودی پریس ایجنسی کے مطابق مدینہ ریجن کے گورنر اور ڈویلپمنٹ اتھارٹی کے چیئرمین، شہزادہ فیصل بن سلمان نے الیکٹرک بس سروسز کا افتتاح کیا جو کہ ماحولیات کے جدید ماڈلز میں سے ایک ہے۔
نئی الیکٹرک سروس ، مدینہ بس سروس میں شامل کر کے مدینہ کے رہائشیوں اور زائرین کی آسانی کے لیے 4 اہم راستوں پر پبلک ٹرانسپورٹ چلانے کا منصوبہ ہے۔یہ سروس نیٹ ورک مسجد نبوی کے پاس سے گزرتے ہوئے شہر کے شمال کو جنوب کے ساتھ ساتھ شہر کے مشرق اور مغرب کو آپس میں منسلک کرے گا۔الیکٹرک بس اس کی اعلی آپریشنل کارکردگی کی وجہ سے نمایاں ہے۔ یہ ایک بار چارج کرنے کے بعد اپنے مخصوص ٹریک کے ذریعے 250 کلومیٹر کا فاصلہ طے کرسکتی ہے۔یہ بس سروس شہزادہ محمد بن عبدالعزیز بین الاقوامی ہوائی اڈے کو کم سے کم وقت میں مسجد نبوی سے ملائے گی جس کی کل لمبائی 38 کلومیٹر ہے۔یہ سروس روزانہ 18 گھنٹے کے دوران 16 سے زیادہ دورے کرے گی۔الیکٹرک بس میں جدید ایئر کنڈیشنگ سسٹم، ٹرپ کی تفصیلات دکھانے والی ڈسپلے اسکرینز، اور خصوصی ضروریات والے لوگوں کی خدمت کے لیے مخصوص نشستیں شامل ہیں۔الیکٹرک بس کا اجرا قومی حکمت عملی برائے ٹرانسپورٹ اینڈ لاجسٹکس کے تحت آتا ہے، جس کا مقصد نقل و حمل کی سرگرمیوں اور خدمات میں جدید طریقوں اور ٹیکنالوجیز کو اپنانا اور کاربن کے اخراج کو 25 فیصد تک کم کرنا ہے۔یہ حکمت عملی 2030 تک ملک میں عوامی نقل و حمل کے استعمال کو 15 فیصد تک بڑھانے اور ٹرانسپورٹ کے ماحول دوست طریقوں کے ذریعے مرکزی شہروں میں معیار زندگی کو بلند کرنے کے سلسلے میں بھی اہم کردار ادا کرے گی۔
لاہور(قدرت روزنامہ)پی ٹی آئی کارکنوں کی رہائی کے لیے ہائی کورٹ میں درخواست دائر کردی…
لاہور (قدرت روزنامہ )لاہور ہائیکورٹ نے دوسری شادی کے بعد بیوہ کو سرکاری نوکری سے…
ساہیوال (قدرت روزنامہ)امیر جماعت اسلامی حافظ نعیم الرحمان کا کہنا ہے کہ اگر ملک کو…
اسلام آباد (قدرت روزنامہ)سپریم کورٹ بار ایسوسی ایشن نے پریکٹس پروسیجر صدارتی ترمیی آرڈیننس پر…
ممبئی(قدرت روزنامہ) ماضی کی سُپر ہٹ رومانوی فلم ‘ویر زارا’ 20 سال بعد دوبارہ ریلیز…
ممبئی (قدرت روزنامہ)بالی وڈ اداکارہ عالیہ بھٹ نے انکشاف کیا ہے کہ وہ ایک ایسی…