کراچی(قدرت روزنامہ) کورنگی زمان ٹاؤن میں 22 مارچ کو 4 بچوں کے باپ کودن دہاڑے ڈکیتی کی واردات کے دوران مزاحمت نہ کرنے کے باوجود فائرنگ کر کے قتل کرنے والے ملزمان کی گرفتاری کے لیےخصوصی پولیس ٹیم تشکیل دے دی گئی ہے۔گزشتہ روز پولیس افسران مقتول کے گھر پہنچے، جہاں انہوں نے بچوں سے ملاقات کی ۔پولیس حکام کا کہنا تھا کہ ملزمان کو جلد گرفتارکرکے کیفر کردار تک پہنچایا جائے گا۔
ترجمان کورنگی پولیس کے مطابق 22 مارچ کو زمان ٹاؤن تھانے کے علاقے کورنگی 51 سی بابا آٹے والے مزار کے قریب ایک افسوسناک واقعہ پیش آیا تھا جس میں شہری محمدحسیب کو دوران ڈکیتی مزاحمت کیے بغیرمسلح ملزمان نے فائرنگ کرکے قتل کردیا تھا جس پر ایس ایس پی کورنگی نے ملزمان کی گرفتاری کے لیے ٹیم بھی تشکیل دے دی ہے۔
3 روز قبل مقتول حسیب کی معصوم بچیوں کی جانب سے سوشل میڈیا پر ویڈیو وائرل ہوئی تھی، جس میں معصوم بچیوں نے دل افسردہ کردینے والے جملوں کے ساتھ کہا کہ اپنے بابا کے بغیرعید کیسے منائیں گے۔ ایس ایس پی کورنگی ساجد امیر سدوزئی نے فوری ایس ڈی پی او کورنگی اسلم جوئیہ اور ایس ایچ او زمان ٹاؤن افتخار آرائیں کو مقتول محمد حسین کے گھر روانہ کیا۔
ایس ڈی پی او کورنگی اور ایس ایچ او زمان ٹاؤن نے مقتول محمد حسیب کے بچوں سے ملاقات کی اور مالی معاونت کی ساتھ یقین دلایا کہ کورنگی پولیس آپ کے ساتھ ہے۔ ایس ڈی پی او کورنگی نے معصوم بچیوں کو یہ بھی یقین دہانی کروائی کہ ملزمان کو بھی جلد گرفتار کرکے کیفر کردار تک پہنچایا جاے گا۔ ایس ایس پی کورنگی کی جانب سےمعصوم بچیوں اور فیملی کی مالی معاونت ماہانہ طورپر کی جائے گی۔
ممبئی(قدرت روزنامہ) بالی ووڈ اداکارہ اروشی روٹیلا نے بھارتی کرکٹر ریشبھ پنت کے ساتھ تعلقات…
اسلام آباد(قدرت روزنامہ)وزیراعظم پاکستان میاں شہباز شریف نے کہا ہے کہ آئی ایم ایف سے…
لاہور ( قدرت روزنامہ ) وزیر اطلاعات پنجاب عظمیٰ بخاری نے گورنر پنجاب کے بیان…
اسلام آباد(قدرت روزنامہ) وفاقی کابینہ سے سپریم کورٹ پریکٹس اینڈ پروسیجر ترمیمی آرڈیننس 2024 کی…
اسلام آباد(قدرت روزنامہ)قومی اسمبلی میں قائد حزب اختلاف اور پاکستان تحریک انصاف (پی ٹی آئی)…
اسلام آباد(قدرت روزنامہ) اسپیکر قومی اسمبلی ایاز صادق نے الیکشن کمیشن کو خط لکھ دیا…