نمبر ون میں ہوں یا بابر، محمد رضوان نے اپنی رائے بتا دی

لاہور(قدرت روزنامہ)پاکستانی قومی ٹیم کے وکٹ کیپر بیٹر محمد رضوان نے کہا ہے کہ نمبر ون میں ہوں یا بابر، اس سے زیادہ اہم چیز نمبر ون پاکستانی کا ہونا ہے، ہم سب کا ایک ہی ہدف ہے وہ پاکستان کو نمبر ون ٹیم بنانا ہے، کسی ایک سیریز کو نہیں دیکھتے، یہ دیکھتے ہیں کہ نمبر ون کیلئے کیا کرنا ہے . خصوصی گفتگو کرتے ہوئے محمد رضوان نے کہا کہ میچ کھیلتے وقت یہ نہیں سوچتے کہ سنچری شراکت کرنی ہے تاہم جب فخر آؤٹ ہوا اور اسکور بورڈ پر 99 دیکھا تو سوچا کاش ایک اور رن کر لیتے .

انہوں نے کہا کہ اس وقت ہمیں تیزی سے رنز بنانا تھے اس لیے اسکور بورڈ پر دھیان نہ تھا، اللہ نے چاہا تو اگلے میچز میں سنچری پارٹنرشپ کرلیں گے .