پاکستانی گلوکارہ نوریمہ ریحان کنگ چارلس کی تاجپوشی کے کنسرٹ میں پرفارم کریں گی

ہنزہ(قدرت روزنامہ) پاکستانی گلوکارہ نوریمہ ریحان برطانیہ کے کنگ چارلس کی تاجپوشی کی تقریب کے بعد اتوار کو ونڈسر کیسل میں منعقد ہونے والے کورونیشن کنسرٹ میں پرفارم کریں گی۔
ہنزہ سے تعلق رکھنے والی گلوکارہ نوریمہ ریحان نے سوشل میڈیا پر پوسٹر شیئر کرتے ہوئے مداحوں کو یہ خوشخبری سُنائی ہے کہ انہیں برطانیہ کے بادشاہ کی توجپوشی کی تقریب میں پاکستان کی نمائندگی کرنے کا موقع مِلا ہے۔

اپنی پوسٹ کی کیپشن میں نوریمہ نے لکھا کہ ’میں کتنی خوش قسمت ہوں کہ میں برطانیہ کے بادشاہ اور ملکہ کی تاجپوشی کے کنسرٹ میں پاکستان کی نمائندگی کرنے جا رہی ہوں۔‘اس شاندار کنسرٹ میں لیونل رچی، کیٹی پیری اور گلوکار اینڈریا بوسیلی سمیت دیگر عالمی شہرت یافتہ گلوکار بھی بھی پرفارم کریں گے۔

یاد رہے کہ نوریمہ ریحان بادشاہ اور ملکہ برطانیہ کے تاجپوشی کے کنسرٹ میں اپنے آبائی علاقے ہنزہ کی نمائندگی کرنے کیلئے ثقافتی لباس پہن کر کلاسیکل گانا پیش کریں گی۔